ಬಸವ , ಬಸವ ಬಾರೋ ನೀ ಬಸವೇಶ

ಬಸವ , ಬಸವ ಬಾರೋ ನೀ ಬಸವೇಶ
ಕೆಸರಾದ ಕೈ ಮೊಸರಾಗಲೆಂದು
ಕಾಯಕ ಕೈಲಾಸವೆಂದೆ ಕಾಯಕಕ್ಕೆ
ಗೌರವ ತಂದೆ ಕರುನಾಡಿಗೆ ಬೆಳಕು ತಂದೆ
ಬಸವ, ಬಸವ ಬಾರೋ ನೀ ಬಸವೇಶ //

ಕಲ್ಯಾಣ ರಾಜ್ಯದ ಕಣ್ಮನಿಯಾದೆ
ಕಾರ್ಯ ತತ್ಪರತೆಗೆ ಹೆಸರಾದೆ
ವಚನ ಸಾಹಿತ್ಯದ ತಾಯಿ ಬೇರಾದೆ
ಕನ್ನಡ ಕವಿ ಮನ ಅರಳಿಸಿದ ಬಸವ,
ಬಸವ ಬಾರೋ ನೀ ಬಸವೇಶ //

ಕಾರ್ಲಮಾರ್ಕ್ಸನ ಕಾರ್ಮಿಕ ವಾದದ ಪ್ರೇರಕ
ಲೂಥರನ ಧರ್ಮ ಸುಧಾರಣೆ ಚಾಲಕ
ಪಶ್ಚಿಮದ ಪ್ರಭುತ್ವ ಅರಿತೊಡೆ ಥೇಮ್ಸ್ ದಡದ ಸಂದೇಶಕ ಬಸವ, ಬಸವ ಬಾರೋ ನೀ ಬಸವೇಶ //

ಮೊಢನಂಬಿಕೆ ಗೋಡೆ ಕೆಡುವಲು
ಘಾಡ ಹೊಡೆತ ನೀಡಿದೆ
ಭವಕೆ ಸಂಸ್ಕಾರ ನೀಡಲು ಭಕ್ತಿ ಭಂಡಾರ ನೀನಾದೆ ಮೊಢರರಿಯದೆ ಕೇಡು ಬಗೆದರು
ಹಾಡಿ ಹೊಗಳಿದರು ಕಡೆಗೆ
ತತ್ವವರಿತ ಮೇಲೆ ಜಗತ್ತೇ ನಿನ್ನ ಕಡೆಗೆ
ಬಸವ, ಬಸವ ಬಾರೋ ನೀ ಬಸವೇಶ //

 ಜಾತಿ ವಿಷವರ್ತುಲ ಸೀಳಿ
ಸೋತೆನೆನಬೇಡ ಬರಿ ಗಾಳಿ
ಸೋತವರು ನೀವಲ್ಲ ಜೋತು ಬಿದ್ದವರು ನಾವೆಲ್ಲ
ಜಾತಿ ಜಾತಿಗಳ ನಡುವೆ ಕಂದಕ ತೋಡಿ
ಸೋತು ಬಿದ್ದಿವರು ನಾವೇಲ್ಲ
ಬಸವ, ಬಸವ ಬಾರೋ ನೀ ಬಸವೇಶ //

ಜಾತಿಯೇ ಸರ್ವಸ್ವವೆಂದು ನೀತಿಗೆ ಕೊನೆಯ ಸ್ಥಾನ ನೀಡಿ ಮಾತು ಮಾತಿಗೆ ಬಸವ
ಜಾತಿ ಕಿತ್ತೆಸೆಯಲು ನಮಗಾಗಲಿಲ್ಲ
ಮತ್ತೆ ಹುಟ್ಟಿ ಬಾ ಬಸವೇಶ //
ಧರ್ಮದ ವ್ಯಾಖ್ಯಾನ ಬದಲಿಸಿದೆ
ದಯವೇ ಅದಕ್ಕೆ ತಳಪಾಯವೆಂದೆ
ನಾಮ, ಚಿಹ್ನೆ, ಮಂದಿರ,ಮಸೀದಿ,
ಚರ್ಚಗಳೇ ಧರ್ಮಗಳೆಂದವರು
ಧರ್ಮದ ವ್ಯಾಖ್ಯಾನ ಬದಲಿಸು ಬಸವ ,
ಬಸವ ಬಾರೋ ಬಸವೇಶ //

ಮಾನವತೆ ಮೆರೆದ ಮಾನವತಾವಾದಿ
ಉಳ್ಳವರು ಮೆರೆದ ನಾಡಿಲ್ಲಿ
ಶಿವಶರಣರಿಗಿಂತ ಹಿರಿಯರಿಲ್ಲ
ನನಗಿಂತ ಕಿರಿಯರಿಲ್ಲವೆಂದ ಬಸವ,
ಬಸವ ಬಾರೋ ನೀ ಬಸವೇಶ //

ಮುಳ್ಳಿನ ಹಾದಿಯ ಸೀಳಿ
 ಹೂವಿನ ಹಾದಿಯ ಮಾಡಿ
ಮಹಿಳೆಯ ಬಾಳಿನ ಮುನ್ನುಡಿ ಬರದೆ
ಸಮತಾವಾದಿ ಬಸವ, ಬಸವ
ಬಾರೋ ನೀ ಬಸವೇಶ //

          ಬಸನಗೌಡ ಗೌಡರ