* ಕಟ್ಟಿದ ಕನಸು *
ಕಟ್ಟಿದ ಕನಸು ಕಣ್ಮುಂದೆ ಕರಗಿ
ಕಡಲು ಹರಿದು ಪುಡಿಯಾಗಿ
ಒಡಲಿನ ದುಃಖ ಮಡಿಲೂಳಗೆ
ಕಣ್ಣೀರಿಗೂ ಬರ ಉಕ್ಕಲೆಲ್ಲಿದೆ. //
ಕಾಪಿಟ್ಟು ಕಟ್ಟಿದೆ ,ಗರ್ಭಗುಡಿ
ಕಲ್ಲು ಮಣ್ಣುಗಳನ್ನು ಕಲಸಿ
ಕತ್ತು ಬಗ್ಗಿಸಿ ಕಾಯ ಮಣಿಸಿ
ಕರ್ಮವೆ ಧರ್ಮವಾಗಿಸಿದೆ//
ಎತ್ತರಕೇರಿದ ಗತ್ತಿನ ಗೋಪುರ
ಸುತ್ತೆಲ್ಲ ಮಿರಮಿರನೆ ಮಿಂಚಿ
ಹೊತ್ತು ಮುಳುಗುವ ಮುನ್ನ
ಪತ್ತೆ ಯಾಯಿತು ಹತ್ತೂರಿಗೆ//
ಡೋಲು ಬಡಿದವರೊಂದು ಬಣ
ಕೊಳಲೂದುವರೊಂದು ಬಣ
ಹಲಗಿ ಸಪ್ಪಳಕೆ ಕದಲಿತು ಮನ
ಅಲುಗಾಡಿತು ಕಟ್ಟಿದ ಭುವನ//
ಕಾಲಕ್ಕೆ ಬರವೇನು? ಕದಳಿಯ
ವನದಂತೆ ಗೊಣೆಗಳು ಸಾವಿರ
ಶಿವನ ಸದರಿಗೆ ಏರುವವು ಫಲ
ಮಾಗಿದ ಮೇಲೆ ಮೆದುವಾಗಿ//
No comments:
Post a Comment