ಗಂಡು ಪ್ರಾಣಿಗಳು

ಯಾರಿಗೆ ಹೇಳೊದು ಗಂಡುಗಳ ಗೋಳು?

ಜಾರಲು ಬಾರದ, ದೂರಲೂ ಬಾರದ 

ದೂರದ ನಡಿಗೆಗೆ ಹಂಬಲಿಸುವ ಪ್ರಾಣಿಗಳು,

ದಾರದ ಮೇಲೆ ನಡಿಯವ ಪಯಣಿಗರಿವರೆಲ್ಲಾ॥

ಬರಿ ಇದು ಇಂದಿನದೂ ಅಲ್ಲ 

ಮುಂದೆ ಇರದೆ ಇರುವುದೇನೂ ಅಲ್ಲ

ತಂದು, ಪ್ರಕೃತಿ ನೀಡಿದ ಕೊಡುಗೆ ಇದೆಲ್ಲ

ಉಂಡು ಹೋಗಬೇಕು ಬಂದವರೆಲ್ಲಾ॥

ಗಂಡು ಪ್ರಾಣಿಗಳು ಕೆಂಡದಂತಿದ್ದರೇನು 

ಕಂಡು ಕಾಣದಂತಿರವ ದಂಡ ಪಿಂಡಗಳಿವರೆಲ್ಲ

ಉಂಡು ಹೋಗಲು ಬಂಡೆಯಾಗಿರಬೇಕು 

ಹೆಂಡತಿ ಮಾತು ಕೇಳಿದರೆ ಬೆಳಕಾಗುವರಿವರೆಲ್ಲಾ ॥

ದಂಡ ಕಟ್ಟಿ ಮಂಡಿಯೂರಬೇಕು

ಗುಂಡು ಕಲ್ಲಿನಂತಿದ್ದುರು ಪುಂಡತನವಿಲ್ಲ

ಪುಂಡಿಪಲ್ಲೆದಂತೆ ಹಿಚುಕಿದರೂ ,ಗಂಡುಗಳು

ರೊಟ್ಟಿ ಜೊತೆ ರುಚಿ ನೀಡಬೇಕು ಇವರೆಲ್ಲಾ !॥

ಹುಲಿ, ಬದುಕಲು ಇಲಿಯಂತಾಗಬೇಕು 

ಬಿಲ ತೋಡಿ ಅಡಗಬೇಕು,ಒಲೆ ಹತ್ತಿಸಿ

ಒಲವಿನ ಹಸಿವು ನೀಗಲು ಬೇಯಿಸುವ

ಅಡುಗೆಯ ಗಡಗಿಯಾಗಬೇಕು ಇವರೆಲ್ಲಾ॥

ಬಿಗಡಾಯಿಸಿ ಬಾಳು ತಗಡಾಗುವ ಮುನ್ನ 

ಬೇಯಿಸುವ ರೊಟ್ಟಿಯ ತೆವವಾಗುವುರು

ಸೀಗೆ ಕಾಯಂತೆ ಕೊಳೆ ತೊಳೆದರು 

ಹುಲಿಗಳು, ಎಳೆಯಂತೆ ಬಾಗಬೇಕಿವರೆಲ್ಲಾ॥