ನನ್ನ ಮತ

ನನ್ನ ಮತ
ಪ್ರಭುತ್ವದ ಕಳೆ ತೊಲಗಿ
ಹುಲುಸು ಬೆಳೆಗೆ ನನ್ನ  ಮತ
ಸಮಾನತೆ ಸಹ ಬಾಳ್ವೆಗೆ ನನ್ನ ಮತ 
ಇಳೆ  ನಿನ್ನ ದಾನ
ಬೆಳೆ ನಿನ್ನ ದಾನ
ಸುಳಿದು ಬೀಸುವ ಗಾಳಿ
ನಿನ್ನಯ ದಾನ
ಕೊಳೆ ತೊಳೆಯಲು
ವಿಶ್ವ ಬಂಧುತ್ವಕ್ಕೆ
ನನ್ನಯ ಮತದಾನ
ನನ್ನ ಮತದಾನ ಮಾಡುವ
ಮುನ್ನ ನಾ ಮಾರಲಾರೆ
ಮತದಾನ
ಭಿನ್ನತೆ ಮರೆತ
ಮಾನವತೆಗೆ  ನನ್ನ ಮತ
ಜಾತಿ ಮತ ಪಂಥ ಮಿತಿ
ಮೀರಿದ
ಸತ್ಯ ಸಂದರಿಗೆ
ನನ್ನ ಮತ
ನಿತ್ಯ ನರಕ ತಪ್ಪಿಸಿ
ಅಪ್ಪಿಕೊಂಡು ನಡೆವ
ಸತ್ಪ್ರಜೆಗಳಿಗೆ ನನ್ನ  ಮತ 
ಧನ ದಾನ್ಯ ಆಮಿಷಕೆ
ಬಲಿ ಬೀಳದ ಮತ
ಇದು ಅಮೂಲ್ಯ ಮತ
ದೇಶ ಸೇವೆಗೆ ಈಶ ಸೇವೆಗೆ
ಮಾನವ ಸೇವೆಗೆ
ನನ್ನ ಮತ