* ಸಾರ್ಥಕತೆ *

ಹಾಡು ಹಳೆಯದಾದರೇನು

ಭಾವ ನವನವೀನ /

ಬೆಳಕು ಯಾವುದಾದರೇನು 

ಹೊಳಪು ನವನವೀನ // ಪ//

ನಿನ್ನ ರಾಗತಾಳಕೆ ಕುಣಿದು ನಲಿದು 

ಒಲಿದು ಸೇರುವ ತನನ/

ಬವಣೆ ಮೀರಿ ಗಿರಿಗಳ ಮೇಲೆ 

ಗಿಳಿಕೋಗಿಲೆಗಳಿಂಚರ //1//

ದ್ವನಿಯು ಯಾರದಾದರೇನು 

ಇಂಚರ ಮಧುರ ಮಧುರ /

ಸಾಗುತಿಹುದು ಹಾಡಿನ ಪಲ್ಲವಿ 

ಹೃದಯ ಗೀತೆಗಳ ಗಾಯನ//2//

ಸಾಗರದಾಳದ ಅಲೆಯ ಮೇಲೆ 

ತೇಲಿ ಬಂತು ಮುತ್ತಿನ ಮೌನ

ಸವಿಯಾದ ಮಾತಿನ ಅಶ್ವ ಶಕ್ತಿ 

ಸೇರಿತಲ್ಲಿ ಶಿವನ ಸಾರ್ಥಕ ಭಕ್ತಿ //3//

ಬಿರಿದ ಭಾವಕೆ ತಂಪನೆರೆಯಲು

ಇಂಪಾದ ನಿನಾದ ಸಂಪದ/

ಬಾರ ಹೊರದೆ ಬಾಗಿತಲ್ಲಿ ಮೋಡದ

ಹನಿ ಮಳೆ ಮುತ್ತಿನ ಕಂಪನ// 4//

          ಬಸನಗೌಡ ಗೌಡರ