* ಶ್ರಾವಣ *

ಶ್ರಾವಣ ಬಂತು ನಾಡಿಗೆ ಹಾಡಿಗೆ

ನಾವಿಳಿದ ಬಯಲು ಬದುಕಿನ ಗೂಡಿಗೆ

ಬನವೆಲ್ಲ ಹಸಿರಾಗಿ ಚಲುವೆಲ್ಲ ಚಲ್ಲಾಡಿ 

ಚೇತನದ ಚಿಲುಮೆ ಚೆಲ್ಲಿತಲ್ಲಿ //

ಸಿಹಿ ಚಕ್ಕುಲಿ  ಕಹಿಯ ಬಾಳು ಮುಕ್ಕಿ 

ಸಂತಸದ ಭಾವ ಉಕ್ಕಿ ಹರಿಯಿತಲ್ಲಿ/ 

ಶಿವನಾಮ ತೊಟ್ಟಿಕ್ಕಿ ಶಿಲೆ ಮಲೆಗಳರಳಿ

ಕನಸು ಗರಿಗೆದರಿ ಕುಣಿಯಿತಲ್ಲಿ //

ಉಷೆಯಲ್ಲಿ ಕುಣಿದು ಮನತಣಿದು

ಮರಗಿಡದಲಿ ಮನ್ಮಥ ಮೈಮರೆತು/

ಉನ್ಮಾದ ಉಕ್ಕಿ ಸುಮವಾಗಿ ಅರಳಿ 

ಜೋಗುಳ ಹಾಡಿದಳು ಮಲ್ಲಿ ಅಲ್ಲಿ //

ಜಿಟಿ ಜಿಟಿ ಮಳೆಗೆ ಗಟ್ಟಿಕಲ್ಲೆ ಕರಗಿ

ತೋಟದ ಮಾಲಿಗೂ ಶಟರರೋಗ/ 

ಗಿಳಿ ಗೊರವಂಕ ಉಲಿದು ನೀನಾದ

ಗಂಧರ್ವ ಲೋಕ ಸೃಷ್ಟಿಯಾಯಿತಲ್ಲಿ//

ಶ್ರಾವಣ ಶೃಂಗಾರ ಬದುಕೆಲ್ಲ ಬಂಗಾರ 

ಗುಡಿ ಗುಂಡಾರದಲ್ಲರಳಿತು ಭಂಡಾರ/

ಶಿವನ ಪಾದಕೆ ಹೂಮಳೆ ಅರ್ಪಣ

ಗಂಟೆಭಜನೆ ಮನದ ಮಾರ್ಜನವಲ್ಲಿ//

       ಬಸನಗೌಡ ಗೌಡರ