* ಸತ್ಯ _ಸುಳ್ಳಿನ ನಡವೆ *

ಸಾಧನೆಯ ಶಿಖರ ಏರುವೆನು ನಾನು  

ಇಂದಲ್ಲ ನಾಳೆ ತಾಳ್ಮೆಯಿಂದಲಿ ಬಾಳಿ./

ಗೊಂದಲದ ಮಾತು ಸವಿಯಾಗಿ ಹೇಳಿ
ಬೆಂಬಲ ಪಡೆದಿರುವೆ ನೀನು ಕೇಳಿ // 

ನಾನುಟ್ಟು ಬಟ್ಟೆಯಲ್ಲಿ, ಕಪ್ಪಿಟ್ಟು ಬಂದೆ.

ಕೊಗಿಲೆಯ ಮರಿಗೆ ರಾಗವ ಹೇಳಿದೆ /

ನೀನೆ ನಡೆದಾಗ ಬಿದ್ದಾವ ಹಳ್ಳ ಕೊಳ್ಳ

ಉಳ್ಳವಂತಾ ತಿರುಗ್ಯಾರ ಹಿಂದ ಮುಂದ//

ನಾ ಓಡಿದಾಗ ನಕರಾ ಮಾಡಿದೆಯಲ್ಲ. 

ನಂಬಿದ ಜನ ಕಂಬಿ ಕಿತ್ತಾರೊ ಎಲ್ಲಾ/ 

ಸೊಂಬೇರಿಗಳಿಗೆ ತಿಳಿದೀತು ಹೆಂಗ 
ಸಾಲಾಗಿ ನಿಂತು ಜೈಕಾರ ಹಾಕುತಾರಲ್ಲ//

ಸುಖಮಾರ ನಿನಗ ಮೆತ್ಯಾರ ಪೌಡರ
ಗೊತ್ತಿಲ್ಲವೆಂದು ತಿಳಿದಿರುವೆ ಏನು ? /

ಅತ್ತಾರ ಬಳದೀದಿ,ಬಿತ್ತಿದಿ ತವಡು
ವಾಸನಿಗೆ ಸುತ್ತೆಲ್ಲ ತುಂಬ್ಯಾರ ಮಂದಿ//

ಗತ್ತಿಲೆ ನಡೆದೀದಿ ಸರಿದಾರಿ ಮರೆತೀದಿ 

ಕತ್ತಲೆ ಕರ್ಮಕೆ ಕಂಬಳಿ ಹೊದಿಸೀದಿ /
ಗೌರವದ ಬಾಗಿಲಿಗೆ ,ಬಂದು ನಿಂತೀದಿ
ಸತ್ಯ ತುಳಿದಿರುವೆನೆಂದು ತಿಳಿದೀದಿ //

ಸವೆಯದ ದಾರಿ ತುಳಿದಿರುವೆ ನಾನು
ಶಿಖರದ ತುದಿಗೆ ಸಾಗುವುದು ಹ್ಯಾಂಗ /
ಇಂದಲ್ಲ ನಾಳೆ ಬಂದೆ ಬರತೀನಿ

ನಿನ್ನ ಪೌಡರ ಸೇಂಟ ಹಾರಿದಾಗ //

      

                  ಬಸನಗೌಡ ಗೌಡರ