* ಮೂರ್ತಿಯಾಗುವ ಮುನ್ನ *

ಏರುವುದು ಹಾರುವುದು, ಒಮ್ಮೊಮ್ಮೆ  
ಜಾರುವುದು, ತಾರುಣ್ಯದಾ ಗುಣ /
ಒಮ್ಮೊಮ್ಮೆ ಪುಟಿದೇಳುವುದು ಅರಿ, 
ವಶಕ್ಕಾಗಿ ಸಿಡಿದೇಳುವ ಆಕ್ರಮಣ  //

ತಡೆಯದಿರುವುದೆ ಬಿಸಿರಕ್ತದ ಗುಣ
ಬಿಸಿಯು ಕೆಸರಾಗಿ ಹೊಸ ಗಾಳಿ ಬೀಸಿ /
ಗೂಡಿಸುವುದು ಏರಿದ ಸ್ವಾಭಿಮಾನ, 
ಕಳೆಯುವುದು ಕೊನೆಗೆ ಬಿಗುಮಾನ//
 
ಬೆಟ್ಟದ ಬುಡದಲ್ಲಿ ಹರಡಿದ ಕಲ್ಲು
ತಟ್ಟಿದ ಪೆಟ್ಟಿಗೆ ಕೆಟ್ಟೆನೆಂದರೆ ಸಲ್ಲ /
ಮೆಟ್ಟಿಲುಗಳಾಗುವುದು ಪಾಮರನಿಗೆ , 
ಜಟ್ಟಿಗೆ ಗುಂಡಾಗು ಏರುವೆ ಹೆಗಲಿಗೆ//

ಇಳಿಯುತ್ತಾ ಹೋದಾಗ ತಳಪಾಯ 
ತಿಳಿಯುತ್ತ ಸಾಗುವುದು ಉಪಾಯ/
ಅವಮಾನ  ತಿಳಿದಾಗ ಬಹುಮಾನ 
ಅರಿತರೆ ಸಿಗುವುದು ಶಾಲು ಸನ್ಮಾನ//

ಮೂರ್ತಿಗೆ ಮುನ್ನ ಮಡಿ ಮಂತ್ರಗಳಿಲ್ಲ 

ಮೈಲಿಗೆ ತಾಪತ್ರಯವಿಲ್ಲ ಬರಿ ಸ್ವಾತಂತ್ರ /

ಮಹತ್ಸಾದನೆ ಗೈದಾಗ  ಎಲ್ಲಾ ಅತಂತ್ರ 

ಗರ್ಭಗುಡಿಗಟ್ಟಿ ಹೇಳುವರು ಮಂತ್ರ  //