ಕಾರ್ಗಿಲ್ ಕಲಿ

* ಕಾರ್ಗಿಲ್ ಕಲಿ *

ದೇಶ ಮುಕುಟ ಹಿಮ ಶಿಖರ ಮೇಲೆ

ಯಶ ಬಾವುಟ ಹಾರಿಸಿ ಕಾರ್ಗಿಲ್ ಕಲಿ/

ಇವನ ಬಿಸಿ ಉಸಿರಿನ ಕಣ ಕಣಗಳಲ್ಲಿ 

ಅರಳಿದೆ ದೇಶಭಕ್ತಿಯ ಪರಿಮಳ//

ವೈರಿ ಶಿರವ ಹರಿದು, ಜರಿಯ ನೀರು 

ತೊರೆಗಳಲ್ಲಿ ರಕುತ ಬಣ್ಣದೋಕುಳಿ/ 

ಜನರ ಹೃದಯದಲ್ಲಿ ಉಳಿದ ಕಣ್ಮಣಿ. 

ಇವನೆಮ್ಮ ಭಾರತೀಯ ಸದ್ಗುಣಿ//

ದವಳ ಹಿಮದ ಗಿರಿಯ ಚರಣದಲ್ಲಿ

ಹವಳದಂತೆ ಮಿನುಗಲಿವನ ಕಿರಣ/

ಭುವಿಯ ಮೇಲೆ ವೈರಿಗಳ ಮಾರಣ

ಇವನೆಮ್ಮ ಭಾರತೀಯ ವಜ್ರಗಣಿ//

ಜಾತಿ ಪಂಥ ಮೀರಿದ ಭಾವದಲ್ಲಿ ಸಂತ

ದೇಶಕ್ಕಾಗಿ ಪ್ರಾಣ ದಾನಗೈವ ಹುತಾತ್ಮ/

ವಿಷವರ್ತುಲ ಸೀಳಿ ಸಿಹಿ ತಂದ ಮಹಾತ್ಮ 

ಹೊಸ ಇತಿಹಾಸ ಬರೆದನು ಶಾಸ್ವತ//

                ಬಸನಗೌಡ ಗೌಡರ