*ಕಟ್ಟಿ ಹಾಕಿದರೋ ರಂಗ ನನ್ನ ...*

*ಕಟ್ಟಿ ಹಾಕಿದರೋ ರಂಗ ನನ್ನ ...*

ಕಟ್ಟಿ ಹಾಕಿದರೋ ರಂಗ ನನ್ನ ...

ಕಟ್ಟಿ ಹಾಕಿದರೊ ರಂಗ.../

ದಿಟ್ಟತನದಿಂದ ನಡೆಯುವ ನನ್ನ 

ಕಟ್ಟಿ ಹಾಕಿದರೋ ರಂಗ //

ಗಟ್ಟಿ ಹೃದಯದ ನಾನು 

ಬಿಟ್ಟಿ ಉಪದೇಶ ಪಂಡಿತರ /

ಪಟ್ಟಿ ಮಾಡಲು ಹೋದೆ 

ಎನ್ನ ಕಟ್ಟಿ ಹಾಕಿದರೊ ರಂಗ// 

ಬಣ್ಣ ಬಳಿಯಲೆನ್ನ ಮನೆಯಲಿ

ಸುಣ್ಣ ಪಗಡೆ ಕುಂಚಗಳಿಲ್ಲ /

ಎನ್ನ ಮನೆಯ ಬಯಲಿನಲ್ಲಿ

ಸಣ್ಣ ರಂಗಮಂದಿರವಿಲ್ಲ //

ಹಾಕಿ ಎಳೆಯಲು ಪರದೆಗಳಿಲ್ಲ

ಸಾಕಿ ಪೊರೆಯಲು ಸಂಘಟನೆಯಿಲ್ಲ /

ಸೂತ್ರದಾರ ನೀ ದಾರ ಎಳೆಯಲಿಲ್ಲ  

ಪಾತ್ರ ಮಾಡಲೆನಗೆ ತಿಳಿಯಲಿಲ್ಲ //

ಸುಟ್ಜ ಮಡಿಕೆ ತಟ್ಟಿ ಪರೀಕ್ಷೆಗಿಳಿದೆ 

ಸಿಟ್ಟು ಸೇಡುವಿನ ಘಟ್ಟಿ ವ್ಯಾಪಾರಿ

ಪಟ್ಟು ಸಡಿಲಿಸದೆ ತಟ್ಟಿ ಕಲಿಸಿದ

ಇಟ್ಟಂತೆ ಖರೀದಿಸಲು ಜಾತ್ರೆಯಲ್ಲಿ //

ನನ್ನವರೆನ್ನುವವರನು ಹುಡುಕಿ 

ಬೆನ್ನು ಮೂಳೆ ಬಾಗಿ ಬಿಲ್ಲು ಬಾಣ/

ನನ್ನ ಜಾತಿ ಹುಡುಕಲೆನ್ನಲಿಲ್ಲ ತ್ರಾಣ

ಇನ್ನು ಸಿಗುವ ನಂಬಿಕೆ ಉಳಿಯಲಿಲ್ಲ//

ಕಟ್ಟಿ ಹಾಕಿದರೋ ರಂಗ ನನ್ನ ...

ಕಟ್ಟಿ ಹಾಕಿದರೊ ರಂಗ.../

ದಿಟ್ಟತನದಿಂದ ನಡೆಯುವ ನನ್ನ 

ಕಟ್ಟಿ ಹಾಕಿದರೋ ರಂಗ //

.