* ನಾಡಗೀತೆಗಳ ಹಾಡೋಣ ಇಂದು *

ನಡೆ ಮುಂದೆ, ನುಡಿ ಸಿರಿಯ 

ಹಾಡೋಣ ಇಂದು//ಪ//

ಮರೆಯದಾ ಇತಿಹಾಸ ನಮ್ಮೆಲ್ಲರ  

ಭವಿಷತ್ತು ಮುಂದು /

ಗಲ್ಲಿ ಗಲ್ಲಿಗಳಲ್ಲಿ  ಹಿಡಿಯಿರಿ

ಕನ್ನಡದ ಬಾವುಟ, ಭಾರತದ ಮಡಿಲು 

ಮಕ್ಕಳಾಗಿ ಇಂದು//

ಬಯಲು, ಮಲೆ, ಪಡುವಣದ 

ಶರಧಿಯ ತೆರಗಳಬ್ಬರದ 

ಶಬ್ದಗಳು ಸಿರಿ ಹಬ್ಬದ ಮಾಲೆ /

ಕನ್ನಡದ ಸವಿ ನುಡಿ, 

ಸಹೋದರರ  ಬಾಳ್ನುಡಿ

ಸದ್ವಿಕಾಸದ ಹೊತ್ತಿಗೆಯ 

ಶಾಂತಿಯ ಬೆನ್ನುಡಿ//

ಸಾವಿರ ವರ್ಷಗಳ

ಶಾಸನದ ಸಾಲುಗಳು 

ಭರವಸೆಯ ಉಕ್ತಿಗಳು //

ಸನ್ಮತಿಯ ಉನ್ನತಿಯು 

ಜಗದಗಲ ಬೆಳಗುವ

ನಕ್ಷತ್ರಗಳು//

ದೇಗುಲದ ಭಿತ್ತಿಯ 

ಶಿಲ್ಪದ ಕೆತ್ತನೆಗಳು 

ಸಂಸ್ಕೃತಿ ಯ ಬಿತ್ತನೆಗಳು/

ಮೇಲ್ಕೆತ್ತಿದ ಮಹಾಕಾವ್ಯದ 

ಸಂಸ್ಕಾರ ಚಿತ್ರಗಳು

ಧರ್ಮದ ಮರ್ಮದ

ಸಾರಗಳು //

ಗಂಗ,ಕದಂಬ 

ರಾಷ್ಟ್ರ ಕೂಟ 

ಬಲ ಚಾಲುಕ್ಯರು /

ಕಟ್ಟಿದ ಗುಡಿ ಗೋಪುರ 

ಕಲ್ಯಾಣಿ ನಮ್ಮೆಲ್ಲರ 

ಮುಕುಟ ಮಣಿಯು..

ಹೊಯ್ಸಳರ ಶೈಲಿಯ 

ಕಲೆಯಿಂದಾದ ಬಲೆಯು

ಕೈಚಳಕದ ಗಣಿಯು//

ತಾಳೆ ಗರಿಯ ಹೊತ್ತಿಗೆಯು

ಮನುಕುಲವು ಗಳಿಸಿದ 

ಸಂಪತ್ತು.../ 

ನಿನ್ನವರೆ ಹೆತ್ತವರು 

ಸನ್ನಡತೆಯ ಪುತ್ರರು//

ಬಗ್ಗಿ ನಡೆದರೆ ಗುದ್ದು  

ನುಗ್ಗಿ ನಡೆ ಸಗ್ಗ ಇಂದು/

ಬಾಂದಳಕೇರಲಿ ಕನ್ನಡದ ಕೀರ್ತಿ  

ಭರವಸೆಯ ಬೆಳಕಿನೆಡೆ ತೇಲಲಿ 

ಸಿರಿಗನ್ನಡದ ವಾರ್ತೆ  //

  

ನಿನ್ನ ಅನ್ನವ ಪಡೆದು

ಕನ್ನಡವನ್ನುಲಿಯದಿರುವುದೆ

ಅನ್ಯರ ದ್ರೋಹ  /

ಸಕಲರ ಕಾಯುವ 

ದೇವರ ಗುಡಿ ಇದು ...

ಮಹಾದೇವಾಲಯವಿದು//

ಬಸನಗೌಡ ಗೌಡರ