* ಅಂದು -ಇಂದು *

ಮದುವೆಯ ವೈಭವ 

ಮೆದುವಾಗಿ ಹೇಳುವೆ ಅಣ್ಣ

ಮೆದುಳಿಗೆ ಇಳಿದು

ವಿದಳನ ತಲೆಯಲ್ಲಿ

ನಡೆದಿದೆ ಅಣ್ಣ //

ಅಂದು ಹಲಗೆ ಮಜಲಿಗೆ 

ಚುರುಮರಿಗಳೆ ವರುಣ/

ಕುಣಿದು ಬಡಿದವಣಿಗೆ 

ಹಣದ ಹಾರವೆ ಆಭರಣ /

ಮುಂದೆ ಸಾಗಿತ್ತು ಶಹನಾಯಿ 

ಜಾಗ್ರತೆಯ ವಾಹನ // 

ಇಂದೂ ಸೇರುವರು 

ಸಾಗರದಂತೆ ಜನ 

ಡಿ ಜೆ ಸದ್ದಿಗೆ ಸಮೂಹವೆ ರಣ ರಣ

ಇವರಿಗಿದೆಯೆ ಸಂತೃಪ್ತಿ ಮನ

ತಿಳಿಯವಲ್ಲದು ಸಂಕಲನ //

ಅಪ್ಪ ಅಮ್ಮ ತಿಪ್ಪರಲಾಗ ಹಾಕಿ 

ಚಪ್ಪರದಲ್ಲಿ ಮದುವೆ

ಮಾಡಿದರಣ್ಣ

ವರಮಹಾಶಯ ಮರು

ಮಾತನಾಡದೆ ಹಾಕಿದ ಮೂರು 

ಗಂಟು ಅಣ್ಣ

ಇನ್ನೂ ಬಿಚ್ಚಿಲ್ಲ 

ಆ ಕಗ್ಗಂಟು ತಮ್ಮಣ್ಣ

ಹಲ್ಲು ಕಿಸಿದು ಹುಲ್ಲಿಗೆ  

ಓಡಿದ ತಿಮ್ಮಣ್ಣ

ಹಸಿದ ಹೋರಿಯಂಗ /

ಸೋಸಿ ನೋಡದೆ 

ಸೊಸೆ ಆದಳು 

ಸಿರಿದೇವಿಯಂಗ /

ಸಾಲಿನಲ್ಲಿ ಇರು ಅಂದರ ಸಿಡುಕಿ 

ನಡೆದಳು ಹೆಮ್ಮಾರಿ 

ಸೌದಿ ಉರಿದಾಂಗ //

ಸಾಲಾಗಿ ಕುಳಿತರೆ ಸಡಗರದಿಂದ 

ಬಡಿಸುವರಣ್ಣ 

ಇವರು ಹಳೆಯ ಕಾಲದ 

ಹುಡುಗರಣ್ಣ 

ಬಾಳೆ ಪತ್ರೊಳಿ ಮೇಲೆ

ಸಜ್ಜಕ  ಅನ್ನ

ಹಳೆಯ ಊಟ ಸಂತೃಪ್ತಿಯೆ 

ಪರಮಾನ್ನ/

ಪ್ರೀತಿಗೆ ಬರ ಹೇಗೆ 

ಬರುತ್ತೆ ಹೇಳಣ್ಣ//

ಅಕ್ಷರ ಕಲಿತವರು 

ಅಕ್ಷತೆಗೆ ಬರುವರಣ್ಣ

ಸಾಕ್ಷರತೆಯ ಮದುವೆ 

ತಂದಾರಣ್ಣ

ಬಕ್ಷ ಬೋಜ್ಯಗಳಿಗೆ 

ಸಿರಿವಂತರಣ್ಣ

ಭಿಕ್ಷುಕರಂತೆ ನಿಂತೆ 

ತಿನ್ನುವರಣ್ಣ //