* ಇಣುಕಿ ತಿಣಕಬೇಡ ಸಣಕ *

ಸಾಕು ಮಾಡೋಣವೆ 

ಇಣುಕಿ ನೋಡಿ ತಿಣಕುವ ಪರಿ ಒಮ್ಮೆ !

ಅಂದೊಮ್ಮೆ ಹೀಗಳೆದಿದ್ದೆ 

ಓದದೆ ನಗುವವರನೊಮ್ಮೆ . 

ಆಶಾಗೋಪುರವ ಕಟ್ಟಿ 

ಅದಕ್ಕೆ ಏಣಿ ಇಟ್ಟು 

ಏರಿ ಏರಿ ಬಿದ್ದವರ ಕಂಡು 

ಮರುಗಿದೆನೊಮ್ಮೆ ..

ಪಾಪ ಏನು ತಾಪತ್ರಯಗಳೊ ಏನೋ 

ಹೀಗಾಗಿದೆ ಎಂದು ! 

ಈಗೀಗ ಎಲ್ಲರೂ ಹೀಗೆ 

ನಡು ದಾರಿಯಲ್ಲಿ ನಗುವರು 

ಒಮ್ಮೊಮ್ಮೆ ,ಅಳುವರು ಇನ್ನೊಮ್ಮೆ .

ಎಲ್ಲೊ ಮಾಡಿದ ಟಿಕ್ ಟಾಕ್ 

ಇವರ ಮನಸ್ಸಿಗೆ ಆಗಿದೆ ಅಟ್ಯಾಕ್ !

ಗೋಲಿ ಆಡಬೇಕಾದ ಹುಡುಗರಿಂದ 

ಅಬಾಲ ವೃದ್ದರವರೆಗೆ

ಹಿಡಿದಿದೆ ಹಣಕಿ ಹಾಕುವ ರೋಗ .

ಗುಣಪಡಿಸಲು ಬೇಕು ಯಾಗ .

ಬೇಕಿಲ್ಲ ಕುರಿ ಕೋಳಿ 

ಹಸು,ಹವಿಸ್ಸು, ತುಪ್ಪ .

ಓದಬೇಕು ಸರಿ ದಾರಿ 

ತೋರುವ ಸಾಹಿತ್ಯ ಬೆಪ್ಪಾ 

ಹುರಿದು ಮುಕ್ಕುತಿವೆ 

ಬಿಟ್ಟಿ ಡಾಟಾ...., 

ಬಂದುದೆ ತಪ್ಪಾ ? 

ಪಕ್ಕದಲ್ಲಿ ಪವಡಿಸಿದಾಗ 

ಇರದ ಪ್ರೀತಿಯ ಲೆಕ್ಕ 

ಈಗ ನಡೆದಿದೆ ದಿನ ನಿತ್ಯ 

ಹೊರಹಾಕುವರು ಪಕ್ಕಾ

ಬಂಧು ಬಾಂದವರ 

ಸಂಬಂಧದ ಬಂಧನವಿಲ್ಲ 

ತಂದು ಹಾಕುವ ತಂದೆ ತಾಯಂದಿರಿಗೂ 

ಆನ್ಲೈನ್ ಪಾಠದ ಸಿದ್ಧ ಉತ್ತರ 

ಅಧುನಿಕತೆಯ ಸೋಗಿನಲ್ಲಿ 

ಬದುವು ದಾಟಿದರೇನೋ ಇಲ್ಲಿ .

ಬಾಗಿಸಲು ಗುರುಗಳ ಕರಗಳಿಗೆ 

ಇರಬೇಕೇನೋ ಪ್ರೀತಿಯಿಂದ ಸಲಾಕೆ ? 

ಇಲ್ಲದಿದ್ದರೆ ಆರಕ್ಷಕರ ಕರಗಳಿಗೆ 

ಕರ್ತವ್ಯ ಬರಬಹುದೇನೋ ಜೋಕೆ ?