ನಾಳೆ ಮಾರ್ಚ 8 "ಮಹಿಳಾ ದಿನಾಚರಣೆ"
ವಿಶ್ವದ ಎಲ್ಲಾ ಮಹಿಳೆಯರಿಗೆ ಮಹಿಳಾ ದಿನಾಚರಣೆಯ ಹಾರ್ದಿಕ ಶುಭಾಶಯಗಳು.
* ಮಹಿಳೆಯೇ ಸ್ವರ್ಗ, ಮೂಲದಲ್ಲಿ *
ನೀನೆನ್ನ ಪಥದ ರಥದ ಗಾಲಿ।
ಜೊತೆಯಾಗಿ ನಡೆದು
ಕಥೆಯಾದೆ ನೀ ಜಗಕೆಲ್ಲ|।
ನೀನೆನ್ನ ಕಳಸ, ದೇವರ ಮನಸು।
ಭಾವದಲ್ಲಿ ಬೆರೆತ ಬೆಳಕು
ಬೆಳಗಿದೆ ನೀ ಜಗವೆಲ್ಲ ।।
ನಿನ್ನಂತರಂಗ ಭಾವತರಂಗ।
ಹಿತವಾಗಿ ಬಾಳಲ್ಲಿ ಸುಳಿದು
ತಂಪೆರೆದೆ ನೀ ಮನಕೆಲ್ಲ।।
ನೀನೆನ್ನ ತಾಯಿ ,ತಂಗಿ, ಮಗಳು।
ಮತ್ತೆ ಮಡದಿಯಾಗಿ
ಕಳೆದೆ ಕತ್ತಲೆ ನೀ ಬದುಕಿನಲ್ಲಿ।।
ನಿನ್ನಿಷ್ಟವ ತುಳಿದು, ಕಷ್ಟದಲ್ಲಿ ಕರಗಿ।
ಉರಿವ ಕಾಷ್ಠವಾದೆ
ಅಹಾರ ನೀ ,ಅಡುಗೆಯಲ್ಲಿ॥
ನಿನ್ನ ಬಣ್ಣಿಸಲೆನಗೆ ಪದಗಳಿಲ್ಲ ।
ಹೊಣ್ಣು, ಮಣ್ಣು, ಮನುಕುಲದ ಕಣ್ಣು,
ಮಹಿಳೆಯೇ ಸ್ವರ್ಗ, ಮೂಲದಲ್ಲಿ ॥
No comments:
Post a Comment