ಚೆಲುವೆ

ಚೆಲುವೆ,ನಿನ್ನೊಲುವೆ
ನನ್ನ ಗೆಲುವು
ನಾಸಿಕದ ಮೇಲೆ ನರ್ತಿಸುವ
ನಿನ್ನ ಕನ್ನಡಕ  ನಾನಾಗಬಲ್ಲೆ
ಕನ್ನಡಕಕ್ಕೆ ತಾಕುವಾ ಮುಂಗೂದಲಿಗೆ

ತಂಗಾಳಿ ನಾನಾಗಬಲ್ಲೆ

ನವಿಲಿನ ನರ್ತನ ನಾಚಿಸುವ
ನಿನ್ನ ನಡಿಗೆಗೆ ನಾ
ಪಾದಾರಕ್ಷಿ ಯಾಗಬಲ್ಲೆ
ನೀ ತೋರಿದಾ ದಾರಿಯಲ್ಲಿ
ನಾ ನಡೆವೆ ಪ್ರೀತಿಯಲ್ಲಿ

ಬಡವನಲ್ಲ ಆಗಸದ
ನಕ್ಷತ್ರದಲ್ಲಿ  ದಾರಿ
ತೋರಿಸಬಲ್ಲೆ
ಕಡಲ ಉಬ್ಬರವ ಮೀರಿ
ಚಲಿಸಬಲ್ಲೆ
ಸೂರ್ಯಾಸ್ತಮಾನದ
ದೂಳಾಗಬಲ್ಲೆ
ಸೂರ್ಯೋದಯದ
ಎಲೆಗಳ  ಇಬ್ಬನಿ
ನಾನಾಗ ಬಲ್ಲೆ

ನಿನ್ನೊಲವು ನನ್ನ
ಬಲ ನಾ ನಿಂತಿಲ್ಲ
ಕವಲು ದಾರಿಯಲ್ಲಿ
ನನ್ನದೊಂದೇ ದಾರಿ
ಅದು ರಹದಾರಿ
ಕಲ್ಲು ಮುಳ್ಳುಗಳಿಲ್ಲ
ಕಂದಕಗಳಂತೂ
ಇಲ್ಲವೇ ಇಲ್ಲ