* ಬಾಳಿನ ಸರ್ವಸ್ವ *

ಹಾರುತಿರುವ ಹಕ್ಕಿಗಳೆ 

ಮಿನುಗುತಿರುವ ಚಿಕ್ಕಿಗಳೆ

ನೀವೆ ನಮ್ಮ ಪ್ರೀತಿಯ ಸಾಕ್ಷಿಗಳು //

ನಡುವೆ ನಮ್ಮ ಪೋಷಕರೆ

ರಕ್ತ ಹಂಚಿಕೊಂಡ ಬಂಧುಗಳೆ 

ನೀವೆ ನಮ್ಮ ವಾದಿಗಳು//

ನೋಡುತಿರುವ ಅಂಬರವೆ 

ಹಾಡುತಿರುವ ಕೋಗಿಲೆಗಳೆ

ನೀವೆ ನಮ್ಮ ಪುರೋಹಿತರು//

ಕುಣಿಯುತಿರುವ ನವಿಲುಗಳೆ

ಕರೆಯುತಿರುವ ಗಿಳಿಗಳೆ

ನೀವೆ ನಮ್ಮ ಬಂಧುಗಳು//

ಹರಿಯುತಿರುವ ನದಿಗಳೆ

ಕರೆಯುತಿರುವ ಸಾಗರಗಳೆ

ನೀವೆ ನಮ್ಮ ದೇವರುಗಳು//

ನಮ್ಮ ಸುತ್ತುವ ಸುನಕಗಳೆ 

ಜಿಗಿಯುವ ಮಾರ್ಜಾಲಗಳೆ 

ನೀವೆ ನಮ್ಮವೈರಿಗಳು//

ನಿತ್ಯ ಚುಚ್ಚುವ ಜನಗಳೆ

ಬೆಳಕು ನೀಡುವ ಚಂದ್ರಮನೆ

ನೀವೆ ಎಚ್ಚರಿಸುವ ಗಂಟೆಗಳು// 

ಕಣ್ಣೋಟದಿಂದ ಸೆಳೆದ ಪ್ರೆಯಸಿಯೆ

ಕಂದನ ಕರುಣಿಸಿದ ತಾಯಿಯೆ

ನೀನೆ ನನ್ನ ಸರ್ವಸ್ವವು //

   

             ಬಸನಗೌಡ ಗೌಡರ