ನಾಡ ಹಬ್ಬ

* ಅಕ್ಷರದೀಪ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಕಲಾ ವೇದಿಕೆ ಧಾರವಾಡ ಮತ್ತು ಬೆಂಗಳೂರು ಇವರ ಸಹಯೋಗದಲ್ಲಿ ಆಯೋಜಿಸುತ್ತಿರುವ*

*ನಾಡ ಹಬ್ಬ ದಸರಾಜ ಪ್ರಯುಕ್ತ ರಾಜ್ಯಮಟ್ಟದ ಚಿತ್ರಕವನ ರಚನೆ ಸ್ಪರ್ಧೆ*

  * ನಾಡ ಹಬ್ಬ🙏

ಕರುನಾಡ ಕನ್ನಡಿಗರ ಹಬ್ಬ

ಸಂಸ್ಕೃತಿ ಸೀಮೆಯ ಸಿರಿ ಹಬ್ಬ/ 

ಪರಂಪರೆ ಮಹಾನವಮಿ ದಿಬ್ಬ 

ಹರಡಿದೆ ಮೈಸೂರಿನಿಂದಬ್ಬರ/

ಕರಿ,ಕಲಿ,ಕವಿಗಳ ದಿಬ್ಬಣ 

ಅರಮನೆ ಪಥದಲ್ಲಿ ನಡೆದೈತಿ// 

ಅರಮನೆಯ ಮುಂದೆ 

ಅರಸನ ಅಂಬಾರಿ ಆನೆ/

ದಸರೆಯ ತುಂಬಾ ದೇವಿ 

ಚಾಮುಂಡೇಶ್ವರಿ ಸೇನೆ/ 

ಕರುನಾಡಿನ ಚಂದನವನದಲ್ಲಿ

ಕಲಾರಸಿಕರ ದಂಡೆ ತುಂಬೈತಿ  //

ದೇವಲೋಕ, ಮೃತ್ಯ ಲೋಕ  

ಭವದೊಳಗೆ ನಾನೆಲ್ಲೂ ಕಾಣೆ/

ಜಂಬೂ ಸವಾರಿ, ನಂಬಿ ಬಂದವರಿಗೆ 

ಮೈತುಂಬಾ ಮೈಸೂರು ಮಲ್ಲಿಗೆ / 

ಬಾಯಿ ತುಂಬಾ ಮೈಸೂರು 

ಪಾಕು ವಿಳ್ಯದೆಲೆ ಬಿದ್ದೈತಿ//

ಬಂಗಾರದ ಅಂಬಾರಿ 

ಬಲರಾಮನ ಮೇಲೆ ಏರೈತಿ/ 

ಜಂಭದ ನಡಿಗೆ ಜಂಬೂದ್ವೀಪದ ಬೆಡಗು

ದರ್ಶನಕ್ಕೆ ನಾಡೆಲ್ಲ ನಿಂತೈತಿ / 

ಯದುವಂಶದ ಕುಡಿಯ ಕಂಡು 

ಖುಷಿಯಿಂದ ಕುಣದೈತಿ//

ನವಮಿ ಹಬ್ಬ ನಾರಿಯರ ಹಬ್ಬ 

ಮಹಿಷಾಸುರನ ಕೊಬ್ಬು ಇಳಿಸೈತಿ/ 

ಅಸುರರ ಮೇಲೆ ಸಂಹಾರದ ಮಾಲೆ

ಜನಸಾಗರದೊಳಗರಳೈತಿ/ 

ದುರ್ಗಾನ ಅವತಾರ ನಮಗೆಲ್ಲ 

ಸ್ವರ್ಗದ ಸರಮಾಲೆ ತಂದೈತಿ//

 ಶ್ರೀ ಬಸನಗೌಡ ಗೌಡರ 

ಉಪನ್ಯಾಸಕರು ಗುಳೇದಗುಡ್ಡ