* ಸಡಗರದ ಸಂಕ್ರಾಂತಿ *

ಸಂಕ್ರಾಂತಿ ಹಬ್ಬ ಸಡಗರದ ಹಬ್ಬ

ಬೆಳೆದ ಫಸಲು ತರುವುದೆ ಉಬ್ಬು/

ಇದು ಭೂ ತಾಯಿ ಮಗನ ಹಬ್ಬ

ಸವಿಯೋಣ ಹಲ್ಲಿದ್ದವರು ಕಬ್ಬು//

ಮಾಗಿಯ ಚಳಿಯು ಹೋಗುವ ಕಾಲ 

ಮೈತುಂಬ ಬಳದೇವ ಎಳ್ಳು ಬೆಲ್ಲ /

ಮನೆ ತುಂಬಾ  ಸಡಗರವೆಲ್ಲಾ 

ಮಣ್ಣಿನ ಮಗನ  ಬಾಳು ರಸಗುಲ್ಲ//

ಬೆಳದೇನ ಜೋಳ ರಾಗಿ ಭತ್ತ 

ಹಾಕೇನಿ ಹಗೆದಾಗ ಹತ್ತಿಪ್ಪತ್ತು /

ನನಗಿಲ್ಲ ಅನ್ನದ ಚಿಂತೆ ಇವತ್ತು 

ಮಳೆಯರಾಯ ನಿನದೊಂದೆ ಚಿತ್ತ//

ಬಸವಣ್ಣ ನಿನ ಮೈ ತೊಳದೇನು 

ಜೂಲಾ ಹಾಕೇನು ಸಾಲಾಗಿ ನಿಂತೇನು 

ಅಗಸ್ಯಾಗ ಡುರಕಿ ಹೊಡಸೇನು

ಸೊಗಸಾಗಿ ಬೆಂಕಿ ತುಳಸೇನು //

ಸಜ್ಜಿಯ ರೊಟ್ಟಿ ಸೇಂಗಾದ ಹೋಳಿಗೆ 

ಮುಳ್ಳ ಬದನೆಯ ಪಲ್ಯ ಮೇಲೆ ಗುರೆಳ್ಳ ಚಟ್ನಿ 

ಅವ್ವ ಹಾಕಿದ ಕೆನೆ ಕೆನೆ ಮೊಸರು 

ಸ್ವರ್ಗಕ್ಕೆ ಸವಾಲು ಹಾಕೇನು//