* ಎಚ್ಚರದಿಂದ ಇರೋಣ *

ಭಾರತೀಯತೆ ಒಂದು ದೇಹ, 

ಬಿಡಿಯಾಗಿ ನೋಡ ಬಾರದಣ್ಣ 

ಇಡಿಯಾಗಿ ನೋಡಿದರೆ 

ಉಳಿಗಾಲ ಇಲ್ಲ ಅಳಿಗಾಲ !

ರೋಗ ಸಾಮಾನ್ಯ 

ಔಷಧಿಯೂ  ಯುಂಟು 

ವಾಸಿಯಾಗದ್ದೇನಲ್ಲ 

ಜಾತೀಯತೆ ,ಕೋಮುವಾದ  

ಪ್ರಾದೇಶಿಕತೆ ಪಟ್ಟಿ ಏನೆ ಇರಲಿ 

ಸುಟ್ಟು ಹಾಕಬಹುದು

ಪ್ರೀತಿ ಸಹನೆ ಎಂಬ ಔಷದದಿಂದ.

ಮೂಗಿಗೆ ನೆಗಡಿ ಬಂದರೆ 

ಮೂಗು ಕೊಯ್ದವರುಂಟೆ? 

ಶುಂಟಿ ಪುಡಿಯಿಂದ  

ವಾಸಿಮಾಡಿದವರುಂಟು.

ವೈದ್ಯರೂ ಉಂಟು...

ಆಯ್ಕೆ ಅವರವರಿಗೆ...

ವಾಸಿಮಾಡದ್ದೇನಲ್ಲ !

ತಲೆಯುಂಟು ಅದರ 

ನೋವು ಉಂಟು !

ತಲೆ ತಗೆದವರುಂಟೆ ?

ತಲೆಯಿಂದ ದ್ವೇಷ ಅಸೂಯೆ 

ತೆಗೆದರೆ ಮನಶ್ಶಾಂತಿ 

ಇಲ್ಲದಿದ್ದರೆ ಬರಿ ವಾಂತಿ.

ಕೃಶವಾದ ಮರಕೆ ಪೆಟ್ಟು 

ನೀಡುವವರ ಪಟ್ಟಿಯೂ ಇದೆ

ಇದು ಹೊಸದೇನು ಅಲ್ಲ . 

ನಿಂತವರ ಚಿಂತೆ ಬಿಡಿ..... 

ನಿಲ್ಲದೆ ಸದಾ ನಡೆಯುತ್ತಾ ಇರೋಣ 

ನಡೆದವನಿಗೆ ರೋಗ ಕಡಿಮೆ 

ನಿಂತವನು ರೋಗದ ಸಂತೆ.

ಭಾರತವೆಂಬುದು ಬರಿ 

ಬಡಿವಾರದ ಮಾತಲ್ಲ 

ಸಾವಿರ ವರುಷದ ಸತ್ವಪೂರ್ಣ 

ಇತಿಹಾಸ ಹೊಂದಿದ ಅಸ್ಮಿತೆಯ ಭಾವ,

ನರನಾಡಿಗಳು ಪುಟಿದೇಳುವ 

ಅನನ್ಯ ಭಾವ .

ಇಲ್ಲಿ ಸಲ್ಲುವವರು 

ಎಲ್ಲಾ ಕಡೆ ಸಲ್ಲುವರು. 

ಇಲ್ಲಿಂದಲೆ ಜ್ಞಾನ ಕಲಿತು, 

ಕಲಿಸಿದಂತೆ ನಟನೆ ಮಾಡಿದರು.

ಚರಿತ್ರೆಯ ಪುಟವೊಮ್ಮೆ ನೋಡಿ 

ಇಲ್ಲದಿದ್ದರೆ ಮತ್ತೆ ಕಲಿಸಲು 

ಅವರೆ ಬರಬೇಕಾದೀತು.