* ಶಿವರಾತ್ರಿಯ ಶಿವಧ್ಯಾನ *

ಶಿವಧ್ಯಾನ ಮಾಡೋಣ 

ಬಾರೋ ಅಣ್ಣ 

ಶಿವರಾತ್ರಿ ಇಂದು, ಅನ್ನ ನೀರು ಬಿಟ್ಟು 

ಅರಿಷಡ್ವರ್ಗಗಳನ್ನು nಸುಟ್ಟು   

ಶಿವ ಧ್ಯಾನ ಮಾಡೋಣ ಅಣ್ಣ //

ಯುಗ ಮುಗಿದ ಯುಗಾದಿ  

ಬರಲು ಮುಂದೆ 

ಹಗೆತನವ ಕಳೆದು ಹರಗೋಣ ಜಾಗ 

ಬಿತ್ತೋಣ ಪ್ರೀತಿಯ ಬೀಜವಣ್ಣ //

ಹುಲ್ಲು ಕಸಕಡ್ಡ ಕಳೆ ತೆಗೆದು 

ಹುಲಸಾಗಿ ಬಾಳಿನ ಫಸಲು 

ಬೆಳೆಯೋಣ ಬಾರೊ ಅಣ್ಣ // 

ಧನಿದ ದೇಹಕ್ಕೆ ದ್ವನಿಯಾಗಿ 

ನಿಲ್ಲೋನವಣ್ಣ

ಮನಬಾರದ ಅನ್ನ ಸುರುವಿ 

ಹೆಣವಾಗುವ ಮುನ್ನ 

ಧ್ಯಾನದ ಗಣಿಯಾಗೋಣ 

ಬಾರೊ ಅಣ್ಣ// 

ಹೆಣ್ಣು ಮಣ್ಣುಗಳ ಹುಣ್ಣು ಹತ್ತಿ 

ಸುಣ್ಣದಂತೆ ಕರಗುವ ಮುನ್ನ

ಶಿವಧ್ಯಾನ ಮಾಡೋಣ 

ಬಾರೊ ಅಣ್ಣ //

ಶಿವನೆಂಬ ಭಾವ ಮನದಲ್ಲಿ 

ಮೊಳೆತರೆ ಮನೆಯೊಂದು 

ಸುಂದರವಾದ ಉದ್ಯಾನವನ ಅಣ್ಣ//

ಹಾರುವ ಬೂದಿಯ ಮೆತ್ತಿದ 

ಹರನನ್ನು ನೆನೆದರೆ ಹಾರಿ 

ಹೋಗುವದು ಜಾರತನದ 

ಭಾವವಣ್ಣ//

ಶಿವ ಧ್ಯಾನ ಮಾಡೋಣ 

ಬಾರೊ ಅಣ್ಣ, ಶಿವಧ್ಯಾನ 

ಮಾಡೋಣ ಬಾರೋ ಅಣ್ಣ//