* ಮುಗ್ಧ *

ಹೇಳಿ ಕೇಳಿ ನಾನೊಬ್ಬ ಪೆದ್ದ

ಹೇಳುವರು ನೀನೊಬ್ಬ ಮುಗ್ಧ.

ಇದಕ್ಕೆ ನಾನೂ ಬದ್ದ. 

ಇದರಲ್ಲಿ ನನ್ನದೇನು ತಪ್ಪಿಲ್ಲ ಬಿಡಿ  ?  

" ಬುದ್ದ, ಹಂಗಂದ್ರ ನೀ ದಡ್ಡ ಅಂತ"  

ಖಂಡಿತವಾಗಿಯೂ ಹೌದು.

ಏಕೆ ಹೇಳಿ? ಜಾಣ ಎನ್ನಲು 

ಚನ್ನಾಗಿಯೇ ನಾಟಕ ಮಾಡಬೇಕು.

ಭಾಗಿಸಿ ವಿಭಾಗ ಮಾಡಬೇಕು.  

ನನಗೇನು ಬರತ್ತೇ ಹೇಳಿ ?  

ಇಲಿಗೆ ಹುಲಿ ಎನ್ನಲು ಬರಲ್ಲ. 

ಜಾಲಿ ಮರಕ್ಕೆ ಆಲದ ಮರ 

ಎನ್ನಲು ಬರಲ್ಲ .

ಖಾಲಿ ಜೈಕಾರ ಹಾಕಲು 

ಧ್ವನಿ ಬರಲ್ಲ 

ಸತ್ಯವೆಂಬ ಭೂತವನ್ನು 

ನಿತ್ಯ ಮಾತಿಗಂಟಿಸಿ 

ಹರಿಶ್ಚಂದ್ರ ನಂತೆ ನಡೆದದ್ದೇ ಬಂತು.

ಹೋಗುವದಾದರೂ ಎಲ್ಲಿಗೆ ?  

ಸುಡಗಾಡ...... ಅಲ್ಲವೆ ? 

ಹೀಗಾಗಿ ನಾನೊಬ್ಬ ಪೆದ್ದ ? 

ಯಾವಗಲೂ ನಿಯಮಗಳ ಪಾಲನೆ  

ನಮಗೆಲ್ಲಿದೆ ಪೋಷಣೆ !.

ಮುರಿದವನೆ ಜಾಣ 

ಪಾಲಿಸುವವನೆ ಕೋಣ !

ನಡೆದದ್ದೇ ನಡೆದದ್ದು 

ಮುಟ್ಟಿದೆನೇನು ದಡ !  

ಈಗ ನಿಯಮಗಳೆ ಅದಲು ಬದಲು 

ಮುರಿದ ನಿಯಮಗಳೆ 

ಈಗ ಸಕ್ರಮಗಳು.....

ಹೀಗಾಗಿ ನಾನೊಬ್ಬ ಮುಗ್ಧ !

ನನ್ನಂತೆ ಸಾವಿರ ಸಾವಿರ ಜನ  

ನಾವ್ಯಾರು ಜಾಣರಲ್ಲ, 

ಏಕೆ ಹೇಳಿ ? ಕಿವಿ ಕೇಳುವುದಿಲ್ಲ 

ಕೇಳಿದರೂ ಮಾತು ಬರಲ್ಲ, 

ಬಂದರೂ ನಾವು ಕೂಡಿ ಹೋಗುವುದಿಲ್ಲ 

ಹಾಗಾಗಿ ನಾವೆಲ್ಲಾ ಮುಗ್ಧರು !!!!!!