* ಅರಳುವವು ಮುಂದೆ *

ನೂರು ಹೂವುಗಳು 

ಅರಳುವವು ಮುಂದೆ 

ನಾನವರ ಹಿಂದೆ ಹಿಂದೆ!!

ನಾ ತುಳಿದ ಹಾದಿಯ ಗಾದೆ

ಅದಿವರಿಗೆ ಪಡೆವ ಗಾದಿ 

ಮಲಗಲು ಬಿಡದೆ ನಡೆಸುವೆನು 

ಮುಂದೆ ಮುಂದೆ !!

ಕಲ್ಲು ಮುಳ್ಳಿನ ಅಂಕು 

ಡೊಂಕಿನ ಕವಲು ದಾರಿಯ 

ಬಯಲು ಆಲಯ ಗಣ

ಕಾಯುವೆನು ಹಿಂದೆ ಹಿಂದೆ !!

ಬಿಂಕದ ನಡಿಗೆಯನು ಕಲಿಸಿ

ಅಂಕದ ಹುಚ್ಚನೊಮ್ಮೆಬಿಡಿಸಿ

ಅಂಕೆಯಲಿಟ್ಟು ನಡೆಸುವೆನು 

ಮುಂದೆ ಮುಂದೆ !!

ದೇವರ ಗುಡಿಗೊಂದು ದಳ

ಹೆಂಗಳೆಯ ಮುಡಿಗೊಂದು ಮಳ

ಅಂಗವೆ ಮೇಲೊಂದು ದವಳ

ಸತ್ಸಂಗ ಸೇರಿಸುವೆನು 

ಮುಂದೆ ಮುಂದೆ !!

ಹಸಿದವನಿಗೆ ಹೊಸೆದು ಬಡಿಸಿ

ಕಸಿದವನಿಗೆ ಬುದ್ದಿಗಲಿಸಿ

ನಶೆ ಇಳಿಸಲು ಹೊಸ ತಂತ್ರ 

ಬಳಸುವೆನು ಮುಂದೆ ಮುಂದೆ !!

ತೋಟದ ಮಾಲಿ ನಾ ಹಟಯೋಗಿ 

ಪಾಠವೆ ಪರಿಮಳ, ಆಟವೆ 

ಅಂಗ ಸೌಸ್ಟವ ಅನುದಿನವೂ 

ಕಳೆ ಕೀಳುವೆ ಹಿಂದೆ ಹಿಂದೆ !!