*ಭಾವ ಪೂರ್ಣಶ್ರದ್ಧಾಂಜಲಿ*

ಪಾತ್ರ ತೊರೆದ ಯಾತ್ರಿಕ ನೀ 

ಯಮನೂರಿ,ತೆರಳುತ್ತಿದ್ದಿ 

ಯಮನ ಊರಿಗೆ ನಾವು ಬರವುದೈತಿ

ಉಂಡಮೇಲ ಅಲ್ಲಿ ನೀರಿಗೆ ॥

ಬಾರದೂರಿಗೆ ನಿನ್ನ ಪಯಣ 

ಅವಧಿ ಮುಗಿಯದ ನಿನ್ನ ಶಯನ 

ಕಣ್ಣೀರು ಕೋಡಿ ಹರಿಸುತೈತಿ

ಇಲ್ಲಿ ನಿನ್ನ ಮಂದಿರದ ಜನ ॥

ನನಗಿತ್ತಲ್ಲಿ ಗೆಳೆಯನ ಪಾತ್ರ 

ಈಗ ಏನ ಹೇಳೊದು ಉತ್ತರ

ನೀನಿಟ್ಟ ಸವಿನೆನಪಿನ ಚಿತ್ರ

ನೋಡಿ ತರತೇವು ನಿನ್ನ ಹತ್ರ॥

ನಾಯಕ ನಟನಲ್ಲೋ ನೀನು...

ಸಹಾಯಕ ನಟರಿಗೇನು ನಿನ್ನುತ್ತರ.

ಕಣ್ಣೀರ ಹರಿಸಿ ಆಗಿಹರು ತತ್ತರ

ಮನಸ್ಸಿನಲ್ಲಿಟ್ಟೊ ಕಿರಣ 

ಹೃದಯದಲ್ಲಿ ಆರಿಸಿದೆ ಶರಣ ॥

ಯಾರಿಗೇಳೋದು ಪುರಾಣ 

ಕೇಳಿ ಮರಿಲಾಕ ಇದಲ್ಲ ಶ್ರಾವಣ

ಇಂದು ನಿನ್ನದು ನಾಳೆ ನಮ್ಮದು 

ತಿಳಿಯುವದೇನು,ಯಮನ ಆಲಿಂಗನ ॥ 

ಗಚ್ಚಿನ ಮನೆಯಲ್ಲಿ ಬೆಚ್ಚಗಿರದೆ 

ಕಿಚ್ಟು ಹಚ್ಚಿ ನಿಚ್ಚಣಿಕೆಯೇರಿದ 

ಯಮನೂರಿ ಪ್ರೀತಿಯ ಮಯೂರಿ

ಕುಣಿತ ನಿಲ್ಲಿಸಿದಾ ಪಯಣಿ ॥

ಅಂಕವೆ ಮುಗಿದಿಲ್ಲ ಸಂಕಟ ತಂದಿ 

ವೆಂಕಟರಮಣನ ಚರಣ ಸೇರಿದೆ

ಯಮನೂರಿ ..ನೀ ಯಮನೇರಿ .

ನಮ್ಮೂರಿನ ಪ್ರೀತಿಯ ಯಮನೂರಿ॥