* ಹೋಳಿಯ ಸಂಭ್ರಮ *

ಹೊಂಗೆಯ ಹೊವಿನ ರಂಗಿನ ಚಿತ್ತಾರ

ಭೃಂಗದ ಜೇಂಕಾರ ಎನ್ನಂಗಳದಲ್ಲಿ 

ಮೊಡಲರಮನೆಯ ನೇಸರ ಮುತ್ತಿಕ್ಕಲು,               

ಬಂಗಾರ ಕಿರಣ ಹೊಂಬೆಳಕಿನ ಚರಣ

ಮುತ್ತಿನ ಮಳೆಯು ನಯನ ಮನೋಹರ //

 

ಕತ್ತಲೆಯೊಳಗೆ ಮನೆ ಮಾಳಿಗೆ ಸುತ್ತಿ 

ಕಳ್ಳ ತನದಲ್ಲಿ ಕಟ್ಟಿಗೆ ತುಂಡು ಗಳನೆತ್ತಿ

ಕೆಕೆ ಹಾಕಿದ ಪಡ್ಡೆಗಳಿಗೆ ಯುದ್ಧ ಸಂಭ್ರಮ !  

ಸಾಧನೆಯ ಶಿಖರದ ಬೂದಿಯಲಿ ಹೂರಳಾಡಿ             

ಹಲಗಿಯ ಹೊಡೆದರು ಗೆಳೆಯರು ಕೂಡಿ //

ಸಲುಗೆಯ ಬಾಳಿನ ನಲುಮೆ ಹೋಳಿಯಾಡಿ.

ಸಂಹರಿಸಿದ ಬೆಂಕಿಯಲ್ಲಿ ಹುರಗಡಲಿ ಮಾಡಿ 

ಬಾಯಿ ಕೈಗೆ ಹೊಡೆದಾಟ ಲಬೋ.. ಲಬೋ ..

ಹೋಳಿಯ ಸಂಭ್ರಮ ಗಲ್ಲಿಗಲ್ಲಿಗಳಲ್ಲಿ.

ಹುಡುಗರ ಕೈಯಲ್ಲಿ ಬಣ್ಣದ ಚೊಂಬು// 

ಬಣ್ಣ ಬಳಿಯಲು ಬರುವರು ಓಡೋಡಿ  

ಅಜ್ಜಿಯ ಬಾಯಿಯಲ್ಲಾಗುವರು ಬಿಡಾಡಿ.

ಹೂತಿಟ್ಟ ಭಾವಗಳ ಹೊರಹಾಕಿ, ಕಾಡಿ

ಹರುಷದ ಹೊನಲಿನಲ್ಲಿ ತೇಲಾಡಿ ಓಲಾಡಿ             ತಿರುಗುವರಿವರು ಬಲೆ ಕಿಲಾಡಿ //

ಬೆಂಕಿಯ ಎತ್ತಲು ಹೆಂಗಳೆಯರ ಹೋರಾಟ  

ಹೊತ್ತಿಸಿದ ಬೆಂಕಿಯಲ್ಲಿ ಹೋಳಿಗೆ ಊಟ                        ಉಂಡು ತೇಗಿದ ಮನೆಮಂದಿ ಹಾರಾಟ

ಮತ್ತೆ ಸೇರಿತು ಜನ ಸಾಲು ಓನಿಯಲ್ಲಿ 

ಚಟ್ಟದ ಮೇಲೊಂದು ಕಂಡೆ ದಿಟ್ಟ ಹೆಣ //

ಅಟ್ಟಕ್ಕೇರಿಸಿದರು ತುಟಿ ಬಿಡದ ಗಟ್ಟಿ ಮನ

ಗಟ್ಟಿ ಗಿತ್ತಿಯರು ಹಾಡಿ ಹೊಗಳಿದ ಗುಣಗಾನ

ಗರ ಬಡಿದು ಊರೆಲ್ಲ ತೇಲಿತು ನಗೆಗಡಲಲ್ಲಿ.

ಅಳುವಲ್ಲಿ ನಗುತರುವ ಹೋಳಿ ಸಂಭ್ರಮ 

ಇದಕುಂಟೆ ಸರಿಸಮ ಇಳೆಯಲ್ಲಿ //

       ಬಸನಗೌಡ ಗೌಡರ.