(ಮಣ್ಣು)ಎತ್ತಿನಮವಾಸ್ಯೆ
ಬಿತ್ತಿ ಬೆಳೆಯಲೆತ್ತಾಗಿ
ಸತ್ಯ ಕಾಮನ ಜೊತೆಯಾಗಿ !
ಕಷ್ಟದಲ್ಲಿ ಬಂಡಿ ಎಳೆದು
ಇಷ್ಟಗಳ ಖಂಡೆಯಾದೆ ದೊರೆಯೆ !
ನನ್ನ ಯೋಗಿ ನೀನಿಂದು
ಸಣ್ಣ ಮಣ್ಣಿನ ದೇವರಾದೆ !
ನೀನಿತ್ತ ಅನ್ನ ನನ್ನವರಿಗೂ ಹಾಕಿ
ನಾ ದಾನಿ, ನನಗದು ಹೊರೆಯೆ !
ಹತ್ತಿ ಹೊಡೆದೆ ಬಿತ್ತಿ ಬೆಳೆದೆ
ಕತ್ತು ಬಾಗಿಸಿ ನೀ ದುಡಿದೆ /
ಕತ್ತು ಹಿಸುಕಿದರೂ ಸತ್ತು ಬದುಕಿದೆ
ಸಹಿಸಿ ಸಂತಸ ನೀಡದ್ದು ಮರೆಯೆ !
ಕಡೆಗಾಳು ನೀನುಂಡು
ಹೆಡಗಿ ಗೊಬ್ಬರ ನೀಡಿ /
ಗುಡಿ ಗೋಪುರಕ್ಕಿಂತ
ಮಿಗಿಲಾದೆ ದೊರೆಯೆ !
ಮಣ್ಣಲ್ಲಿ ಮಣ್ಣಾಗಿ ಹೊನ್ನಾದೆ
ಕಣ್ಣು ಕಾಣದೆ ನಾ ನಿನ್ನ ಮಾರಿದೆ /
ನನ್ನ ವರೆ ಕನ್ನ ಹಾಕಿದರೆನ್ನ ಭಾವಕ್ಕೆ
ಇನ್ನು ಮರೆತರಿಲ್ಲ ಕ್ಷಮೆ ಜಡ ದೇಹಕ್ಕೆ!
ನೀ ಮೆರೆದ ಊರೆ ಸ್ವರ್ಗ ದಾರಿ
ನಾ ಮರೆತರೆ ಮನವೆ ನರಕದೇರಿ/
ನನ್ನ ನಾರಿತು ಪೂಜಿಸುತಲಿರುವೆ
ಬೆಳಕು ನೀಡಿದೆನ್ನ ಪರೋಪಕಾರಿ!
No comments:
Post a Comment