* ಚಲುವೊಂದೆ ಗೆಲುವಲ್ಲ ಕುಲಕೆ *

ಕವಲು ದಾರಿಯಲಿ ನಿಂತು ...

ನವಿಲು ನಾ ಕುಣಿಯಬಹುದೆ/

ಬಯಲೂ ಬೇಕು,ನಿನ್ನೊಲವು ಬೇಕು

ಚೆಲುವೊಂದೆ ಗೆಲುವಲ್ಲ ಕುಲಕೆ //

ಸಾವಿರ ಕಣ್ಣು ಸಾಲದು ಎನ್ನೊಳು 

ಸವಿಯಲು, ಸವೆಯಬೇಕು ಬಾಳು / 

ಸಾವಿನ ಮನೆಯವರೆಗೆ ಇದೆ ಗೋಳು

ಸುಮ್ಮನೆ ದುಡಿಯ ಬಂದ ಜೀತದಾಳು

ನರಿ ನಾಯಿ ಭಯದ ಚಿಂತೆ

ಹರಿಯಿಲ್ಲದೆ ತಿರುಗುವದುಂಟೆ /

ವರ ಬೇಕು ಕಾಡುಮೃಗ ಕೈಹಾಕದಂತೆ

ಇರುವ ಭಾಗ್ಯವ ನೆನೆಯಲು ನಿಂತೆ//

ಹಾಡುವ ಹಕ್ಕಿಗೆ ಜಿಗಿಯುವ ಚಿಟ್ಟೆಗೆ

ಬಾಡಿ ಅರಳುವ ಹೂವಿಗಿಲ್ಲ ಕೂರತೆ/

ಹೆಡೆ ಎತ್ತಿದ ಹಾವಿಗಿದೆ ಹುಳಹುಪ್ಪಡಿ 

ಅಡಿಗಡಿಗೂ ಇದೆ ಅನ್ನದ ಜೋಪಡಿ//

ದಟ್ಟಡವಿಯಲ್ಲಿ ಕಟ್ಟುತಿರುವೆ ಮನೆ

ಇಟ್ಟಂತೆ ಇರುವುದು ಸೃಷ್ಟಿಯ ಗಂಟು/

ಬಿಟ್ಟಿರಬಹುದೆ ಗಿಡಮರ, ಬಳ್ಳಿ ನಂಟು

ಗಟ್ಟಿಯಾಗಿ ಕುಣಿಯವೆ ಶಿವನುಂಟು//

                    ಬಸನಗೌಡ ಗೌಡರ