ಬಾಗಿದ ಸ್ವಾಗತ

ಬಾಗಿದ ಸ್ವಾಗತ

ತೊಗರಿಯ ಹೊಲದಾಗ 

ಹಗುರಾಯಿತು ಭಾವ ಹಗೆತನವಿಲ್ಲ 

ಹರಿಪ್ರೇಮದ ಭೋಗವೆಲ್ಲ//

ನಗರದ ಬಿಗುಮಾನ 

ನಾನು ಎಂಬುದು ಕಳೆದು 

ನಮ್ಮದೆ ರಾಜ್ಯ ಇಲ್ಲೆಲ್ಲ //

ದುಂಬಿಗಳ ಕಾರುಬಾರು 

ನಂಬಿದವರಿಗೆ ನವರಾತ್ರಿ 

ಸೊಂಬೇರಿಗಳಿಗಲ್ಲ ಸೋಬಾನ// 

ತುಂಬಿ ಬರತಾವು ತಮ್ಮ 

ಹರುಷದ ದಿನಮಾನ 

ನಂಬಿ ದುಡಿದರೆ ನಾಕವು ಜಗವೆಲ್ಲ //

ಬಾರವಾದ ಮನಕೆ 

ಬೋರಾದ ದೇಹಕ್ಕೆ 

ಬಾಗಿದ ಸ್ವಾಗತವಿಲ್ಲಿ //

ಬಂಗಾರ ಬನದ ತೊಗರಿ 

ಗಂಗಾಳ ತೂರಿದರಾಚೆ ಪಾರು

ಅಂಗಕ್ಕೆ ಸಿಂಗಾರದ ಹೂವು ಮಾಲೆ//  

ಚಟ್ಟೆಯ ಕಾಯಿಗೆ ಪುಟ್ಟ ಪಾತರಗಿತ್ತಿ 

ಕಾವಲು ಇಟ್ಟವರು ಯಾರಿಲ್ಲಿ 

ನಾ ಬಿಟ್ಟ ಉಸಿರು ಹಸಿರಾಗಿ 

ನಂದಗೋಕುಲವಿಲ್ಲಿ  //