* ಗೂಡೊಂದು ಕಟ್ಟುತಿರುವೆ *

ನಾಮಗಳನ್ನು ಕಡಿಮೆ ಮಾಡಿ

ಹೋಮಗಳನು ಹೂತು ಹಾಕಿ

ರಾಗ ದ್ವೇಷ ಮೀರಿದ ಮಡಿವಂತ

ತಾಯಿ ಮಡಿಲಂತ ಗೂಡೊಂದು 

ನಮಗಾಗಿ ಕಟ್ಟುತಿರುವೆ !!

ಕಲ್ಲುಗಾರೆಗಳಿಂದಲ್ಲ

ಹೊಳೆಯುವ ಬಣ್ಣಗಳಿಂದಲ್ಲ

ಬೆಳಗುವ ದೀಪಗಳಿಂದಲ್ಲ 

ಬೆಳಗಿನೊಲವಿನ ಕಳೆಯಿಂದ 

ಪಳಗಿ ಮನೆಯೊಂದು ಕಟ್ಟುತಿರುವೆ!!

ಅರೆ ಹೊಟ್ಟೆ ಹೊರೆದು ಹರಿದಂಬರ ಹೊದ್ದು 

ವರವ ಪಡೆಯಲು ಹೊರಗೆಲ್ಲೂ ಕಾಣದ 

ಧರೆಯಲ್ಲಾ ಬೆಳಗುವಾ ಹರಿ ನಾಮದ.    

ಅರಮನೆಯೊಂದು ಕಟ್ಟುತೀರುವೆ !!

 

ಗುಡಿ ಗೋಪುರದ ಗಡಿ ಮೀರಿ

ಹಿಡಿ ಪ್ರೀತಿ ಮಡಿಲಲ್ಲಿ ಕಾಪಿಟ್ಟು

ಗುಡಿಯೊಂದು ಕಟ್ಟುತಿರುವೆ

ನಂಬುಗೆಯ ನಲ್ಮೆಯ 

ಗೂಡೊಂದು ಕಟ್ಟುತಿರುವೆ !!