ಹಸಿವು

ಹಸಿವು

ಹಸಿವು ಕಲಿಸಿದ  ಪಾಠ
ಭಾವ ಕಲಿಸಿದ  ನೋಟ
ಭವದಲ್ಲಿದರ ಸಮಾನರುಂಟೆ
ಭಾವದ ಮೂಲ ಇದರಲ್ಲಿಂಟು   //

ಹಸಿವಲ್ಲವೆ ಹರದಾರಿ ನೆಡೆಸಿದ್ದು.
ಹರಸಾಹಸ ಮಾಡಿಸಿದ್ದು
ಹಮ್ಮು ಬಿಮ್ಮು ಜಾರಿಸಿದ್ದು
ಒಮ್ಮೊಮ್ಮೆ ದೈನೆಸಿಯಾಗಿಸಿದ್ದು  //

ಹಸಿವಿನಲಿ ಹಲವು ವಿಧ
ಒಬ್ಬರಿಗೆ ಅನ್ನದ ಹಸಿವು
ಇನ್ನೊಬ್ಬನಿಗೆ ಜ್ಞಾನದ ಹಸಿವು
ಮಗದೊಬ್ಬಗೆ ಬೋಗದ ಹಸಿವು//

ಹಸಿವಲ್ಲವೆ ಹೊಸ ಸಂಶೋಧನೆ
ಹೊಸ ಆವಿಷ್ಕಾರದ ದಾರಿ
ಹಸಿವೆ ಕಾಣದ ಮನುಷ್ಯನುಂಟೆ
ಹಸಿವೆ ಸಕಲ ಜಂಗಮ ಪ್ರಾಣಿಗೆ //

ಬಡವನಿಗೆ ಹೊಟ್ಟೆ ಹೊರೆಯುವ
ತನ್ನವರ ತಣಿಸುವ ಹಸಿವು
ಬಲ್ಲಿದವನಿಗೆ ಹೊಟ್ಟೆ ಬಾರ
ಇಳಿಸುವ ತನ್ನವರ ಮೆರೆಸುವ ಹಸಿವು //


                ಬಸನಗೌಡ ಗೌಡರ