* ಜಯಬೇರಿ *

ಬೆಳೆದಾಗ ಸೇರುವುದು ನನ್ನ ಬಳಗ

ಸುಳಿಯದು ಸಂಬಂಧ ನಾ ಕಳೆದಾಗ

ಬೆಳೆಯುತ್ತಾ ಬಾಗು ಕಳೆದರೂ ನಗು 

ಬೆಳಗುವುದನ್ನೆ ಹೊಗಳುವದು ಜಗ //

ವೇದನೆಯು ಸಹಜ ಸಾಧನೆಗಿಳಿದಾಗ

ಕಾದವರು ಕೈಲಾಗದವರಲ್ಲ ತಿಳಿದಾಗ

ಬೆಲೆ ಬರುವದು ಬಂಧನ ಮುಗಿದಾಗ

ಬಹುಪಾಲು ಬಹುಪರಾಕ ನಿನಗಾಗ //

ಬರಿಯದ ಓದು ಬೆರೆಯದ ಸಂಬಂಧ 

ಬೆವರದ ದೇಹವದು ಬರಿ ದುರ್ಗಂಧ

ಬಯಲಿನಲ್ಲೂ ಬಂಗಾರ ಕಾಣು ತಂದೆ

ಬಾಳು ಹೊರಸೂಸುವದು ಶ್ರೀಗಂಧ//

ಬರಿ ಕನಸು ಕಾಣುವನು ಸೋಮಾರಿ 

ನನಸು ಮಾಡಲಾಗು ನೀ ಹಠಮಾರಿ

ಕಲ್ಲು ಮುಳ್ಳು ಕಾಣುವವು ತರೆಹೆವಾರಿ 

ಕಿತ್ತೆಸೆದಾಗ ಸಿಗುವುದು ಜಯಭೇರಿ //

        ಬಸನಗೌಡ ಗೌಡರ