* ಆಲಯ, ಗ್ರಂಥಾಲಯ .*.

ಮರೀಬೇಡ ಗ್ರಂಥ 

ನೀನಿರಬೇಕು ಜೀವಂತ....!

ಓದಬೇಕು ನೀ ಗುಣವಂತ.

ಬರಿ ಆಲಯವಲ್ಲ, ಪುಸ್ತಕದ ಕಂತೆ

ಇದು ಜ್ಞಾನ ಕೊಳ್ಳುವ ಸಂತೆ//

ದೇಹವಿಲ್ಲದ ಜೀವವಿರುವ             

ಸಾವಿರ ಸಂತರ ಮಕರಂದ

ಮಸಣಕೆ ಹೋಗುವ ಮುನ್ನ 

ಮಾಡಿಕೊ ಅವರನು ನಿನ್ನ ಕಾಂತ

ಸಂತೋಷ ತರುವದು ಏಕಾಂತ// 

ನೂರು ಗೆಳೆಯರ ನೂಕಾಚೆ 

ಸಾವಿರ ವೈರಿಗಳ ಸರಿಸು ಆಚೆ 

ಸಾವಿಲ್ಲದ ಅರಮನೆ ಬಾಚೀಚೆ

ಸ್ವರ್ಗದ ಮನೆ ಇರವುದೆ ಈಚೆ..! // 

ಪುಸ್ತಕದ ದಿನ ಮಾಡಿಹರು 

ಮಸ್ತಕಕೇರಿಸದ ಸೋಗಲಾಡಿಗಳು

ಸುಟ್ಟು ಸುಣ್ಣವಾಗುವ ಮೊದಲು

ಕಟ್ಟು ಸುಂದರ ಅರಿವಿನ ಮಹಲು//

ಸಾವಿರ ಜೀವಗಳ ಸೇರಿಸಿ ಹೆಣೆದರು 

ಸುಂದರವಾದ ಮಂದಿರ ಅದುವೆ ಹಂದರ

ನಮ್ಮ ರಾಮ ರಹಿಮ ಸಂತರ ಮಂದಿರ

ಸಂತರ ಸವಿನುಡಿಯ ಬೆಳಕಿನ ಚಂದಿರ //

             ಬಸನಗೌಡ ಗೌಡರ