* ಹಣತೆ ಉರಿಯಲಿ *

* ಹಣತೆ ಉರಿಯಲಿ *

ತಲೆಯ ಭಾರ ಇಳಿಯಲು 

ಎದೆಯ ಭಾರ ಅರಳಲು 

ಹೃದಯ ಗೀತೆ ಹಾಡುವೆ /ಪ/

ಮನದ ಮೈಲಿಗೆ ತೊಳೆಯಲು 

ಮಬ್ಬುಗತ್ತಲು ಹರಿಯಲು 

ಹಬ್ಬದ ಹಣತೆಯು 

ಉರಿಯಲಿ //

ಕಬ್ಬು, ಕದಳಿಯ ದಿಬ್ಬಣ

ಹಬ್ಬದ ಕಳೆ ಹರಡಲು 

ಮಾನವತೆ ಗೀತೆಯು

ಮೆರೆಯಲಿ //

ಮನೆ,ಮನ ಮನಗಳಲ್ಲಿ  

ಮಂದಿರ ಮಸೀದಿ ಅರಿಯಲು

ಪ್ರೀತಿಯ ದೀಪವು 

ಉರಿಯಲಿ //

ಸ್ನೇಹವೆಂಬ ಬತ್ತಿಯ 

ಹೊಸೆದು ತಿದ್ದಿ ತೀಡಿ 

ಹೊಸ ಹಣತೆಯು 

ಬೆಳಗಲಿ  //

ಮನದ ಭಾರ ವಿಳಿಯಲು 

ಹಣದ ಮೋಹ ತುಳಿಯಲು

ಗುಣವು ... ಹೂವು

ಮಾಲೆಯಾಗಲಿ// 

ಬಸನಗೌಡ ಗೌಡರ