* ಮನಸ್ಸು ಕದ್ದ ಕಳ್ಳಿ*

ನಾ ನಡೆವ ದಾರಿಯಲ್ಲಿ

ನೀ ಮುಳ್ಳಿನ ಹಾಸಿಗೆಯ ತಳ್ಳಿ

ಮರೆತು ಹೋದೆಯಾ ಮಳ್ಳಿ

ನೀ ಎನ್ನ ಮನಸ್ಸು ಕದ್ದ ಕಳ್ಳಿ//

ನೀ ಹೋದ ದಾರಿಯಲ್ಲಿ

ನಾ ಹಾಸಿದೆ ಹೊಸ ಹಡದಿ

ಕನಸಿತ್ತು ನೀನಾಗ ಬೇಕು ಮಡದಿ

ಇಂದು ಬರಿ ಕಲ್ಲು ಮುಳ್ಳಿನ ಹಾದಿ//

ಚಂದನದ ಗೊಂಬೆ ಮೈಬಣ್ಣ ಲಿಂಬೆ 

ಮಾತಿಗೆ ಮಾತು ಬೆಳೆದಾಗ ಸೋತೆ

ಮೌನದಲ್ಲಿ ಹೃದಯ ಕದ್ದು ನೀ ಗೆದ್ದೆ

ಮರೆಯಾಗಿ ಮನದಲೇತಕೆ ಖ್ಯಾತೆ//

ಕಣ್ಣು ಮುಂದೆ ಬರಿ ಕಲ್ಲು ಗುಡ್ಡಗಳೆ

ಬಣ್ಣಗಳು ನೂರಾರು ಹಚ್ಚಿಕೊಳ್ಳಲುಂಟೆ

ಸಣ್ಣ ತೊರೆಗಳು ಚಲಿಸಿವೆ ಹಾವಾಗಿ

ಹೂವುಗಳು ಚುಚ್ಚುತ್ತಿವೆ ಮುಳ್ಳಾಗಿ// .

ಕನಸು ಕಾಣಲು ಕಲಿಸಿ 

ಕತ್ತಲೆಯಲ್ಲಿ ಬೆಳಕು ಹರಿಸಿ

ಮನಸು ಮುರಿದು ಹೋದೆ ಹೇಸಿ 

ಮಾಗಿದ ಮೇಲೆ ಹೇಗೆ ಇರಲಿ ಸಹಿಸಿ//