* ಕಾಲ ಕಳೆದ ಮೇಲೆ *

ಎತ್ತರಕ್ಕೆ ಬೆಳೆದಂತೆ 

ರೆಂಬೆ ಕೊಂಬೆಯ ವೈಭವ /

ಹೂವು ಹೀಚು ಕಾಯಿ ಹಣ್ಣು

ಮೈತುಂಬ ಸಿರಿತನದ ಭಾವ //

ಕರೆಯದೆ ಬರೆಯದೇ 

ಪಡೆದೆ ಹಿರಿತನದ ಗೌರವ //

ಗುಬ್ಬಿ ಗಿಡುಗ ಕಾಗೆ 

ಕೋಗಿಲೆಗಳ ಕಲರವ //

ಸಾಗಿ ಹೋಗುವ ದಾರಿ 

ಹೋಕರಿಗೂ ನಾನೇ ಬೇಕು/ 

ಧನಿದು ಬಂದವನಿಗೂ ಮುದ 

ನೀಡುವ ಮುದ್ದಿನ ಮಾವ //

ಸದ್ದಿಲ್ಲದೆ  ಗೆದ್ದಿತು ಓಡುವ ಕಾಲ

ಒಂದೊ..  ಎರಡೊ.. ಶತ ಕಾಲ 

ಹತ ಮಾಡಲು ಬಂದೆ ಬಿಟ್ಟಿತು //

ತನಿಸುವಾಗ ಹೊಗಳಿದ ಜನ  

ಉಸಿರು ಪಡೆದು ಉಬ್ಬಿದ ಜನ/

ಹೆಸರು ಹೇಳದೆ  ಕೊಸರಿ 

ಓಡುತಿರುವರಲ್ಲ ಪ್ರತಿದಿನ // 

ಎಲೆಯಲ್ಲಾ ಹಳದಿಯಾಗಿ

ಟೊಂಗೆಗಳೆಲ್ಲಾ ಅಂಗಹೀನ /

ಕತ್ತರಿಸುವ ಕಟುಕನಿಗೇನು ಗೊತ್ತು 

ನಿತ್ಯ ನೂರು ಜನರ ಹಿತಕೆ 

ಈತ ಸತ್ತಿರುವನೆಂದು //

            ಬಸನಗೌಡ ಗೌಡರ