* ಮುಂಗಾರು ಮಳೆ *

ಮುಂಗಾರು ಮಳೆ 

ಏನು ನಿನ್ನ ಮಹಿಮೆ ! 

ಜೇನು ಮಧುವಿನಂತೆ 

ನಿನ್ನ ಸೃಷ್ಟಿಯ ಗುಣ.! 

ಸಿಗದು ನುಡಿ, ಬರೆದು ಬೀಗಲು

ಬರವು ಎನಗೆ ಕಡವ ತರಲೆ ?

ಅರಳಿ ನಿಂತ ಮರಳು ಕಣ 

ಸೂಸಿ ಬಂತು ಶ್ರೀಗಂಧ ಪವನ

ಮೇ ಮಾಸದುರಿವ ಕೆನ್ನಾಲಿಗೆ 

ಸೀಳಿ ಹರಿಸಿದೆ ತಂಪಿನ ದಳ !

ಗುಡುಗು ಸಿಡಿಲು ಪಡೆದ 

ಭುವಿ ಒಡಲ ಕಾವು ಗರ್ಭಧರಿಸಿ 

ಉಸಿರೆ ಹಸಿರು ಕಾನನ !

ಹೊಸ ಶಕೆಯು ಸುತ್ತಿ ಬರುವೆ

ಬೆಸೆವ ನೀನೆ ಸಾರ್ವಭೌಮ.!  

ಅಶ್ವಿನಿ, ಭರಣಿ, ಕೃತಿಕ ಬಲ

ಓಡಿ ಬರುತಿದೆ ರೋಹಿಣಿ.

ನಾಮ ಹಲವು ನಿಯಮ 

ಒಂದೆ ವರುಣ !

ಬಿರಿದ ನೆಲ, ಬರಿದು ಕೆರೆ 

ಹರಿಸಿದೆ ಮೇಲೆ ನಿನ್ನ ವರ

ದುಮ್ಮಿಕ್ಕುವ ಬಲ ಒಂದೇ ಎರಡೇ 

ಕಣ್ಣು ಸಾಲವು ಜಗದ ತುಂಬಾ 

ಜೀವ ಜಲ ಜಿಗಿಯಿತು 

ಕಾರಂಜಿ ತನನ !