* ಕನ್ನಡಕ್ಕೊಬ್ಬನೆ ಕುವೆಂಪು *

ರಾಷ್ಟ್ರ ಕವಿ ಕುವೆಂಪು ರವರ ಜಯಂತಿ ಪ್ರಯುಕ್ತ ಮಹಾನ ಕವಿ, ರಸಋಷಿಗೆ ಕನ್ನಡಿಗರ ಪ್ರೀತಿಯ ನುಡಿನಮನ.

ಕನ್ನಡಕ್ಕೊಬ್ಬ ಕುವೆಂಪು ಸಿಗದಿದ್ದರೆ ಮಲೆನಾಡಿನ ಸೋಬಗೊಂದು ಮನೆ ಮನೆಗಳಲ್ಲಿ ಮಾಧುರ್ಯ 

ಅಲೆಯಾಗಿ ಕಂಪು ಹರಡುತ್ತಿತ್ತೆನೋ ? । ಪ।

ಆ ಪಂಪ, ಪೊನ್ನ ,ಜನ್ನ  ರನ್ನರನ್ನು ಬಣ್ಣಿಸುವ

ಎನ್ನ ಕುಲಕೋಟಿಯ ತನ್ನ ತನವನ 

ಬಡಿದೆಬ್ಬಿಸುವ ರಸಗವಳ ಸಿಗುತ್ತಿತ್ತೇನೋ?॥

 

ಆ ಗಿರಿಕಂದರದ ಕೋಗಿಲೆಗಳಿಂಚರ ಕನ್ನಡಿಗನ ಸ್ವಾಭಿಮಾನದ ಆಲೆಯಾಗಿ ಬಲೆಯಾಗಿ

ಗಂಧರ್ವ ಲೋಕ ಸೃಷ್ಟಿಯಾಗುತ್ತಿತ್ತೇನೋ ?॥

ಆ ಶ್ರೀಗಂಧದ ಮರ ಮೈಸೂರು 

ಅರಮನೆಯ ದಸರೆಯಾಗಿ ದಶ ದಿಕ್ಕುಗಳಿಗೆ ಹೊಸ 

ಸುಗಂಧ ಪರಿಮಳ ಸೂಸುತ್ತಿತ್ತೇನೋ?॥

ಆ ಮತ ಈ ಮತ ಭಿನ್ನ ಮತಗಳ ಭೀತಿ 

ಸಾವಿರ ಪಂಥಗಳಲಿ ಸೇರಿ ಮನುಜ 

ಮತದಲ್ಲಿ ಲೀನವಾಗುತ್ತಿತ್ತೇನೋ ?॥

ಆ ಕವಿಶೈಲದೊಂದೊಂದು ನುಡಿ

ಕನ್ನಡಿಗರ ಹೆಮ್ಮೆಯ ಕಾವ್ಯವಾಗಿ 

ಅರಸಿಕನೂ ಬೆರಗಾಗುವ ಹೊಸ 

ಮನ್ವಂತರ ಖುಷಿ ನೀಡುತ್ತಿತ್ತೇನೋ.?॥

ಆ ಕ್ಲಾಸಿಕಲ್ ಯುಗದ ಕನ್ನಡದ ಕಂಪು 

ಈ ಸವಿಗನ್ನಡದ ಆದಿ ಜ್ಞಾನಪೀಠ ಪ್ರಶಸ್ತಿ 

ಭುವನೇಶ್ವರಿ ಕೊರಳ ಮಾಲೆಯಾಗಿ 

ಭುವನದಲ್ಲಿ ಶೋಭಿಸುತ್ತಿತ್ತೇನೋ.?

ಆ ವೈಚಾರಿಕ ನೆಲೆಯ ಸದಭಿವೃಚಿಯ ಸಾಹಿತ್ಯ

ಅಂಧಕಾರವ ಮುರಿದು ಸೈದ್ಧಾಂತಿಕ ಗಾಳಿ

ಅಧಮನ ಅನೀತಿಯ ಆಲಿಂಗನ ಬಿಡಿಸಿ

ಸುಧಾಮನರಮನೆ ಮಾಡುತ್ತಿತ್ತೇನೋ.?

ಕನ್ನಡಕ್ಕೊಬ್ಬ ಕುವೆಂಪು ಸಿಗದಿದ್ದರೆ ಮಲೆನಾಡಿನ ಸೋಬಗೊಂದು ಮನೆ ಮನೆಗಳಲ್ಲಿ 

ಮಾಧುರ್ಯ ಅಲೆಯಾಗಿ ಕಂಪು ಹರಡುತ್ತಿತ್ತೆನೋ ? । ಪ।