ಈ ಮುನಿ ಭಾವ ಯಾನಿ

ಹೆಂಡತಿಯ ಹಿಡಿತ ತಪ್ಪಿದವನಲ್ಲ

ಜಡೆ ಬಿಟ್ಟು ಕೊಡೆ ಹಿಡಿದವನಲ್ಲ

ತೊಡೆ ತಟ್ಟಿ ತಿರುಗಿ ನಡೆದವನಲ್ಲ 

ಕಂಡುಂಡುಟ್ಟವನು ಜಗದ ಧನಿ,ದ್ವನಿ ॥

ಯಾನದಲ್ಲಿ ಮಾನ ಉಳಿಸಿಕೊಂಡವನು

ಹಣವಿದ್ದು ಗುಣವುಳಿಸಿಕೊಂಡವನು

ಧ್ವನಿ ಇದ್ದು ಮೌನಿ, ಮಾನ್ಯವಾದವನು

ಕನಿ ಕೇಳದೆ ಮನಕೇಳುವನು ಈ ಮುನಿ ॥

ಭಾವಗಳಿಗೆ ಜೀವ ತುಂಬುವವನು

ಕಾಯ ಕಮಂಡಲ, ಕರ್ಮ ರುದ್ರಾಕ್ಷಿ

ಧರ್ಮ ವೊಂದೆ ಉದರದ ಭಕ್ಷ ಭೋಜ್ಯ

ಬದುಕಿನ ಮರ್ಮ ತಿಳಿದವನು ಈ ಮುನಿ ॥

ಬಣ್ಣ ಬದಲಿಸದೆ ಉಣ್ಣುವವನು

ಕಣ್ಣೊಳಗಿದ್ದು ಹೃದಯದಿಂದೇಳುವನು

ತನ್ನವರು ಭಿನ್ನರೆಲ್ಲರೂ ಇವನಿಗೊಂದೆ

ಬೆಣ್ಣೆಯಂತೆ ಕರಗುವನು ಈ ಭಾವಯಾನಿ ॥