ಬಯಲು ದಾರಿ

ಬಯಲು ದಾರಿಯಲ್ಲಿ 

ಉರಿವ ಬಿಸಿಲು ಮೀರಿ 

ಸಪ್ತ ಸಾಗರ ದಾಟಲು

ಸತ್ಯ ವೊಂದೆ ಹೊತ್ತು ಸಾಗವ 

ಸಂಪತ್ತಿನಂತಹ ಆಸರೆ ।

ತಗ್ಗು ದಿನ್ನೆ ಗಳರುವ  ದಾರಿ

ಬಗ್ಗಿ ನಡೆದು ಸುಗ್ಗಿ ಕಾಣಲು  

ಗೆಳೆಯರ ಹಿತನುಡಿಗಳೆ 

ಗಿಡಮರಗಳಂತೆ ನೆರಳು 

ಬೆರಳು ತೋರಿಸಲಾಸರೆ ॥

ಬಡತನವೆಂಬ ಭೂತ 

ಸಿಗದ ಪ್ರೀತಿ,ಎಲ್ಲ ನನ್ನದೆಂಬ ಭ್ರಾಂತಿ

ಉರಿವ ಕೆಂಡದಲ್ಲೂ ಬದುಕಲು,

ಸಾಕ್ಷಿಪ್ರಜ್ಞೆಯೊಂದೆ ಜಲದಂತೆ 

ಬದುಕಿಗಾಸರೆ ॥

ವಿಶಾದವೂ ವಿನೋದವೊ 

ಬಿರುಗಾಳಿಗೆ ಸಿಕ್ಕು ಓಲುವಾಗ

ಸಿಗುವ ಭ್ರಾತೃ ಭಾವನೆ 

ದಡಸೇರಿಸುವ ಭರವಸೆಯೇ 

ಜೀವಕಾಸರೆ ॥

 

ಉಕ್ಕಿ ಹರಿವ ನದಿಗಳು

ದಿಕ್ಕು ಕಾಣದಂತೆ ಸುರಿವ ಮಳೆಯಲಿ

ಸಿಕ್ಕ  ಸಹಕಾರದ ಹನಿಗಳು

ಹೊಕ್ಕು ತುಂಬಲು ಶೆಲೆಗಳು

ಒರತೆ ಗಾಸರೆ  ॥