ನಾ ಕಂಡಂತೆ ನನ್ನ ಅಭಿಪ್ರಾಯ

      ಬದುಕುವ ರೀತಿಗಳು ಭಿನ್ನ ಭಿನ್ನ  ಚಿನ್ನದಂತಹ ಬದುಕು ಕಟ್ಟಿಕೊಳ್ಳುಲು ಹೀಗೆಯೇ ಬದುಕಬೇಕು ಎಂದು ಹೇಳಲು ನಾನ್ಯಾರು ? ಪ್ರಾಣಿಗಳನ್ನು ನಂಬಿ ಬದುಕಿದವರಿದ್ದಾರೆ, ಸಸ್ಯಗಳನ್ನು ನಂಬಿ ಬದುಕಿದವರಿದ್ದಾರೆ, ಮಣ್ಣು ನಂಬಿ ಬದುಕಿದವರಿದ್ದಾರೆ, ವಸ್ತುಗಳನ್ನು ನಂಬಿ ಬದುಕಿದರಿದ್ದಾರೆ, ಮನುಷ್ಯರನ್ನು ನಂಬಿ  ಬದುಕಿದವರಿದ್ದಾರೆ , ದೇವರನ್ನು ನಂಬಿ ಬದುಕಿದವರಿದ್ದಾರೆ. ಇದರಲ್ಲಿ ಯಾವುದು ಶ್ರೇಷ್ಠ  ?ಎಂದು ಹೇಳುವ ಅಧಿಕಾರ ನನಗಿಲ್ಲ ಒಂದು ವೇಳೆ ನಾನು ಹಾಗೆ ಹೇಳಿದರೆ ಯಾರಿವನು ಎಂತಹ ಪ್ರಶ್ನೆ ಬರೆದವನಿಗೆ , ಪ್ರಶ್ನೆ ಕೇಳಿದವರಿಗೆ ಬುದ್ಧಿ ಇದೆ ಏನ್ರಿ, ಎನ್ನಬಹುದಲ್ಲವೆ ? ಬಹುಶಃ ಇದರಲ್ಲಿಯೇ ಇರುವುದು ಸಮಾಜದ ನೆಮ್ಮದಿಯ ಗುಟ್ಟು ಇಂದು ಸಮಾಜ ಸಾಗುತ್ತಿರುವ  ದಿಕ್ಕನ್ನೊಮ್ಮೆ ಸೂಕ್ಷ್ಮ ವಾಗಿ ಗಮನಿಸಿ ನೋಡಿ, ಇದಕ್ಕೆಲ್ಲ  ಉತ್ತರ ಸಿಗುತ್ತದೆ.ಒಮ್ಮೆ ನಾನು ಸಣ್ಣ ವನಿದ್ದಾಗ ಒಬ್ಬರು ಹಿರಿಯರು ಹೇಳಿದ ಮಾತು ನೆನಪಿಗೆ ಬರುತ್ತಿದೆ " ಉತ್ತಮ  ಖೇತಿ, ಮಧ್ಯಮ ಬೇಪಾರಿ, ಕನಿಷ್ಠ  ಚಾಕರಿ ಎಂದಿದ್ದರು , ಅದು ಅಂದಿನ ದಿನಮಾನದಲ್ಲಿ ಕಂಡುಕೊಂಡ ಸತ್ಯ. ಅದು ಈಗ ಮಿತ್ಯವಾಗಿದೆ, ಅಂದರೆ ಕೊನೆಯದು ಮೊದಲಾಗಿದೆ ಮೊದಲನೆಯದು ಕೊನೆಯದಾಗಿ ನಿಂತಿದೆ. ಇದೂ ಶಾಶ್ವತ ಸತ್ಯವೇನಲ್ಲ ಕಾಲಚಕ್ರ ದಲ್ಲಿ ಯಾವುದು ಯಾವಾಗ ಬುಡಮೇಲಾಗುತ್ತೊ ಯಾರುಬಲ್ಲರು. ಈಗ ವಿಷಯ ಅದಲ್ಲ ಮನುಷ್ಯರು ಇಂದು ಜೀವಿ ಮತ್ತು ಭಾವಗಳಿಗಿಂತ ವಸ್ತುವಿನ ಬೆನ್ನು ಹತ್ತಿದ್ದಂತು ಸತ್ಯ. ಭೌತಿಕ ಸುಖವೆ ಪರಮ ಸುಖ ಎಂಬ ಸಿದ್ಧಾಂತದಲ್ಲಿ ನಂಬಿಕೆಯಿಟ್ಟಿದ್ದಾರೆ ಎಂದು ಅನಿಸುತ್ತಿದೆ. ಯಾಕೆ ಈ ಮಾತು ಹೇಳಬೇಕಾಯಿತು ಎಂದರೆ.ಮೊಬೈಲ್ ಮತ್ತು ಗಣಕಯಂತ್ರ ಗಳು ಭೌತಿಕ ವಸ್ತುಗಳು  ಅವುಗಳನ್ನು ನಾವು ನಂಬಿದಷ್ಟು ಇನ್ನೊಂದನ್ನು ನಂಬಿಲ್ಲ.ಇದರ ಉಪಯೋಗವು ಕೂಡಾ ಅಷ್ಟೆ ದೊಡ್ಡ ಪ್ರಮಾಣದಲ್ಲಿದೆ ಈ ಮಾತನ್ನು ನಾನೂ ಅಲ್ಲಗಳಿಯಲಾರೆ. ಆದರೆ ಅದುವೆ ಎಲ್ಲಾ ಆಗಲಾರದು ಅದನ್ನು ನಾವು ನೆನಪಿಡಬೇಕಾಗಿದೆ. ನಾವು ಅದನ್ನು ನಂಬಿ ಮಿಷನ್ ಗಳಾಗುತ್ತಿದ್ದೇವೆ  ಅಂದರೆ  ಆ ಒಂದು ಮಿಷನ್ ಮುನ್ನೆಡೆಸಲು ಇನ್ನೊಂದು ಮಿಷನ್ ಬೇಕಾಗಬಹುದೇನೋ, ಅದಕ್ಕೂ ಕಾಲಾನಂತರದಲ್ಲಿ ತುಕ್ಕು ಹಿಡಿಯುತ್ತದೆ ಎನ್ನುವುದನ್ನು ಮರೆಯುತ್ತಿದ್ದೆವೆ.ನಾವೆಲ್ಲ ನಿಸರ್ಗದ ಶಿಸುಗಳು ಅದನ್ನು ಮೀರಿ, ನಿಸರ್ಗದಲ್ಲಿ ಉಳಿಯಲು ಸಾಧ್ಯವಿಲ್ಲ ಅದಕ್ಕೆ ಪ್ರಖ್ಯಾತ ತತ್ವಜ್ಞಾನಿ, ಶಿಕ್ಷಣ ತಜ್ಞ ಒಂದು ಮಾತು ಹೇಳುತ್ತಾನೆ ಏನೆಂದರೆ "ನಿಸರ್ಗಕ್ಕೆ ಮರಳಿರಿ" 'Go.back to nature 'ಈ ಮಾತು 18 ನೇ ಶತಮಾನದಲ್ಲಿಯದಾದರೂ ಅದು ಇಂದಿಗೂ ಸತ್ಯ,  ಪ್ರಸ್ತುತವೂ ಕೂಡಾ. ಬದುಕನ್ನು ಸರಳಗೊಳಿಸಲು

ಮನುಷ್ಯ  ಹಲವಾರು ಅನ್ವೇಷಣೆಗಳನ್ನು ಮಾಡಿದ ಅವು ಮಾನವನನ್ನು ನಾಗರಿಕನನ್ನಾಗಿ ಮಾಡಿದವು ಅಂದರೆ ಈ ಸಂಶೋಧನೆಯ  ಉದ್ದೇಶ ನಿಸರ್ಗದಿಂದ ಹೊರಹೋಗಲಲ್ಲ, ಅದರ ಜೊತೆಗೆ ಬದುಕಬೇಕು ಅದು ಉಳಿದರೆ ಮಾತ್ರ  ನಾವೆಲ್ಲ .ಮೊಬೈಲ್ ಮತ್ತು ಗಣಕಯಂತ್ರವು ನಮ್ಮನ್ನು ಎಷ್ಟರ ಮಟ್ಟಿಗೆ ಆಕ್ರಮಿಸಿಕೊಂಡವೆ ಎಂದರೆ ಅದಿಲ್ಲದೆ ನಾವು ಒಂದು ಕ್ಷಣ ಬದುಕಲು ಸಾಧ್ಯವಿಲ್ಲ  ಎನ್ನುವಷ್ಟರ ಮಟ್ಟಿಗೆ ನಮ್ಮನ್ನು ನಾವು ಶರಣಾಗಿಸಿಕೊಂಡಿದ್ದೇವೆ.ಮೊಬೈಲ್ ಬಿಡಿಸಲು ಹೋದ ಗಂಡ ಹೆಂಡತಿಯಿಂದ ದೂರಾಗಿದ್ದನ್ನು ಕಂಡಿದ್ದೇನೆ.ಮಗ ತಂದೆ ತಾಯಿಯಿಂದ ದೂರಾಗಿದ್ದನ್ನು ನೋಡಿದ್ದೇನೆ.ಇದಕ್ಕೆಲ್ಲ  ತದ್ವಿರದ್ದವಾಗಿ ಹಿಂದಿನ ದಿನಗಳಲ್ಲಿ ನಾಯಿಗಾಗಿ, ಕುರಿಗಾಗಿ,ಮೇಕೆ,ಗಿಡಗಳಿಗೆ, ತಂದೆ ತಾಯಿ ಅಣ್ಣ ತಮ್ಮಂದಿರನ್ನು ತೊರೆದದ್ದನ್ನು ನೋಡಿದ್ದೇನೆ.ಆದರೆ ಕಾಲದ ಗರಡಿಯಲ್ಲಿ ಜೀವಿಗಳಿಗಿಂತ ಜೀವನ ಮುಖ್ಯ ಎಂಬ ಸಿದ್ದಾಂತ ಅಂಟಿಸಿಕೊಂಡಿದ್ದೇವೆ.ತಪ್ಪೇನಲ್ಲ ಬಿಡಿ ಜೀವನ ಸುಗಮವಾಗಿದೆ, ಕ್ಷಣ ಮಾತ್ರದಲ್ಲಿ ಸೌಖ್ಯದ ಆಗರವಾಗುವಂತೆ ಮಾಡಿಕೊಂಡಿದ್ದಂತು ಸತ್ಯ, ದೇಹ ಕೃಷ ಮಾಡಿಕೊಂಡ ಮೇಲೆ ಯಾವ ಸೌಖ್ಯ ಏನು ಮಾಡೀತು ! ಮಹಾತ್ಮ ಗಾಂಧೀಜಿಯವರು ಹೀಗೆ ಹೇಳುತ್ತಾರೆ  " ನೀವು ಪ್ರತಿಯೊಂದಕ್ಕೂ .....(ಬಹಿರ್ದೆಶೆಗೂ) ಹೋಗಲು ಕಾರು ಬಯಸಿದರೆ ನಿಮ್ಮ ಕಾಲೂ ನಿಮಗೆ ಬೇಡವಾದಾವು." ಎಂತಹ ಮಾತು.. ಸೌಖ್ಯ ಮತ್ತು ಸುಗಮ ದಾರಿ ಹಿಡಿದ ಹೊಸ ಪೀಳಿಗೆಯ ಜೀವನ ನನ್ನನ್ನು ದಂಗು ಬಡಿಸಿದೆ ವಿಶೇಷವಾಗಿ ಪ್ರತಿಯೊಬ್ಬರು ಇವತ್ತು ಏನು ನೋಡುತ್ತಿದ್ದಾರೆ ಎನ್ನುವುದನ್ನು ಗಮನಿಸಿದಾಗ ಬರಿ ರೀಲ್ಸ್ , ಕ್ರಿಕೆಟ್ (ಗ್ರೌಂಡನಲ್ಲಾದರೆ ಓಕೆ ) ...

ಮಾಡಿದವರಿಗೆ, ಆಡಿದ ಕರ್ತೃಗಳಿಗೆ ಹಣ, ನೋಡುವವರಿಗೆ...... ಸಂತೋಷ ಸಿಗಬಹುದೇನೋ ಹೊಸ ಪೀಳಿಗೆ ಕ್ರಮೇಣ ಹೆಣವಾಗುವತ್ತ ಸಾಗುತ್ತಿದೆ, ಬರ್ನಾರ್ಡ ಷಾ ಹೇಳುತ್ತಾರೆ " ಹನ್ನೊಂದು ಜನ ಮೂರ್ಖರು ಆಡುವ ಆಟವನ್ನು ಹನ್ನೂಂದು ಲಕ್ಷ ಜನ ನೋಡುವ ಆಟವೆ ಕ್ರಿಕೆಟ್ " ಇದರ ಅರ್ಥ ನಾನು ಕ್ರಿಕೆಟ್ ವಿರೋಧಿಸದಂತೆ ಅಲ್ಲ , ಮೈದಾನಕ್ಕಿಳಿಯಬೇಕಲ್ಲವೆ ಕೇವಲ ಅದರ ಬಗ್ಗೆ ಕಂತೆಗಟ್ಟಲೆ ಮಾತನಡುವವರು ಮಾತ್ರ  ಹೆಚ್ಚಿನ ಸಂಸ್ಕೃತರು ಎನ್ನುವದಕ್ಕೆ ನನ್ನ  ಹತ್ತಿರ ಉತ್ತರವಿಲ್ಲ, ಹೊಸ ಪೀಳಿಗೆಯ ದಾರಿ  ಭ್ರಮನಿರಸನವಾದಂತೆ ಬಾಸವಾಗುತ್ತಿದೆ. ಭಾವನೆಗಳು ಸತ್ತು ಅದನ್ನು ಕೆರಳಸುವ ಪ್ರಕ್ರಿಯೆಯು ನಡೆಯುತ್ತಿದೆ ಅದನ್ನು  ಅರಳಿಸುವ ಪ್ರಕ್ರಿಯೆಯ ಜವಾಬ್ದಾರಿಯನ್ನು ಯಾರು ಹೊರಬೇಕು. ವೈಯಿಕ್ತಿಕವಾಗಿ ಮಾಡಲು ಹೊರಟರೆ ಆತ ಹುಚ್ಚನಂತೆ ಕಂಡರೆ ಅಚ್ಚರಿಯಿಲ್ಲ  ಪ್ರಾಜ್ಞರು, ಸಂಘ ಸಂಸ್ಥೆಗಳಿಂದ ಇದರ ಜಾಗೃತಿ ಮಾಡುವುದು ಅವಶ್ಯ ವೆನ್ನುವುದು ನನ್ನ ಅಭಿಪ್ರಾಯ ಗೌರವಿಸುದು ಬಿಡುವುದು ಅವರವರಿಗೆ ಬಿಟ್ಟ ವಿಚಾರ . ನಾ ಖಂಡಂತೆ ನನ್ನ ಆಭಿಪ್ರಾಯ. 

ಧನ್ಯವಾದಗಳು.

  

ನಿವೃತ್ತಿಗೆ ನಗೆ ಬುತ್ತಿ

ಇಳಿ ವಯಸ್ಸಿನ ಮನಸ್ಸು ಗಳಿಗೆ ತಿಳಿ ಹಾಸ್ಯ ನೀಡಿ ನಗೆಗಡಲಲ್ಲಿ ತೇಲಿಸಿದ ಅಧಿಕಾರಿ" 

     ಬಹುಶಃ ಅಧಿಕಾರಿಗಳೆಂದರೆ ದರ್ಪದ,ಹೆದರಿಸುವ ಮಾತುಗಳಿರುವವರು ಎನ್ನುವುದು ಸಾಮನ್ಯ ಕಲ್ಪನೆ ಆದರೆ ಈ ಮಾತು ಅರ್ಧ ಸತ್ಯ ವಾದರೂ ನಿನ್ನೆಯ ದಿನ ನಡೆದ ಹಿರಿಯ ಜೀವಿಗಳಗೆ ಸನ್ಮಾನಿಸುವ ಕಾರ್ಯಕ್ರಮದಲ್ಲಿ ನಡೆದದ್ದೆ ಬೇರೆ ಪ್ರತಿ ವರ್ಷ ನಿವೃತ್ತಲಾಗಲಿರುವ ಪ್ರಾಚಾರ್ಯರಿಗೆ ಹಾಗೂ ಉಪನ್ಯಾಸಕರಿಗೆ ಇತಿಹಾಸ ಮೌಲ್ಯ ಮಾಪನ ಕೇಂದ್ರ ದಲ್ಲಿ ಸನ್ಮಾನಿಸುವ ಲಘು ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಈ ಕಾರ್ಯ ಕ್ರಮದಲ್ಲಿ ಬೆಳಗಾವಿ ಜಿಲ್ಲೆಯ ಶಾಲಾ ಶಿಕ್ಷಣ (ಪದವಿ ಪೂರ್ವ) ಉಪನಿರ್ದೇಶಕರಾದ ಶ್ರೀ ಎಮ್ ಎಮ್ ಕಾಂಬಳೆ ಸಾಹೇಬರು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು.ಅವರು ಈ ಮೂಲಕ ಅಧಿಕಾರದಲ್ಲಿಯೂ ಪ್ರೀತಿಯ ನಗೆಯ ಹಬ್ಬಿಸುವ ಕಾರ್ಯ ಮಾಡಬಹುದು. ಎನ್ನುವದನ್ನು ಸಾಬೀತು ಮಾಡಿದರು ಅದನ್ನು ಇಲ್ಲಿ ಹಂಚಿಕೊಳ್ಳುವ ಪ್ರಯತ್ನ ಮಾಡುತ್ತಿದ್ದೇನೆ.

   ಇವತ್ತಿನ ದಿನ ನಾವೆಲ್ಲ ಒತ್ತಡದ ಬದುಕಿನಲ್ಲಿ ಇದ್ದೇವೆ ಅದನ್ನು ಮೀರಿಯೂ ನಗು ಮೊಗದಲ್ಲಿ ಕೆಲಸಮಾಡಬೇಕಾಗಿದೆ.ಆ ಒತ್ತಡದ ಬದುಕಿಗೆ  ಅಂತರ್ಜಾಲವೇ ಕಾರಣ ಎನ್ನುವುದನ್ನ ಬಹು ಮಾರ್ಮಿಕವಾದ ದೃಷ್ಟಾಂತದ ಮೂಲಕ ತಿಳಿಸಿದ್ದು ಎಲ್ಲರಿಗೂ ಹಿಡಿಸಿತು 

    ಇತಿಹಾಸದಲ್ಲಿ ನಾವು ಓದುವುದು ಮಾನವ ತನ್ನ ಮೂಲ ಅವಶ್ಯಕತೆ ಪೂರೈಸಿಕೊಳ್ಳಲು ನಾನಾತರಹದ ಅನ್ವೇಷಣೆ ಮಾಡಿದ. ಉದ್ದೇಶ ಇಷ್ಟೆ ! ಬದುಕನ್ನು ಸುಲಬ ಮಾಡಿಕೊಳ್ಳಬೇಕಾಗಿತ್ತು. ಬದುಕನ್ನು ಸಲಬಮಾಡಿಕೊಳ್ಳಲು ಮಾಡಿದ ನಿರಂತರಾನ್ವೇಷಣೆಯೆ ನಾಗರಿಕತೆ ಎಂದರೆ ತಪ್ಪಾಗಲಾರದು .ಮಾನವನ ಮೂಲ ಪುರುಷರಾದ ಹೊಮಿನಾಯ್ಡೆಗಳು ಮರವಾಸಿಗಳು ಆದರೆ ಭೂಮಿ ಹಲವಾರು ಶೀತ ಯುಗಗಳನ್ನು  ಕಂಡಿತು,ಸುಮಾರು 2.5 ಲಕ್ಷ ವರ್ಷಗಳ ಹಿಂದೆ ಅದು ಕೊನೆಯ ಶೀತಯುಗ ಕಂಡಿತು.ಫಲಶೃತಿಯಾಗಿ ಮರಗಳು ಕಡಿಮೆಯಾಗಿ, ಮಾನವ ನದಿ ಬಯಲು ಪ್ರದೇಶಗಳಿಗೆ ಬರಬೇಕಾಯಿತು.ಅಲ್ಲದೆ ತನ್ನ ಆಹಾರಕ್ಕಾಗಿ ಮಾಂಸ ಸೇವನೆ ಮಾಡಲು ಪ್ರಾರಂಭಿಸಬೇಕಾಯಿತು ಅಂದರೆ ಮಾನವ ಮೂಲತಹ ಮಾಂಸಾಹಾರಿ ಅಲ್ಲ

ಆ ಮಾತು ಬೇರೆ. ಇಲ್ಲಿ ಮಾನ್ಯ ಉಪನಿರ್ದೇಶಕರು ವೃತ್ತಿ ಬಾಂದವರ ಒತ್ತಡದ ಬದುಕಿನ ಜೀವನವನ್ನು ತಮ್ಮ ಹಾಸ್ಯ ಶೈಲಿಯಲ್ಲಿ ವಿವರಿಸದ ಬಗೆ ನನ್ನ ಗಮನ ಸೆಳೆಯಿತು. ಅದೇನೆಂದರೆ ಮನುಷ್ಯ ಹಣ್ಣು ಹಂಪಲಗಳು ಸಿಗದಾದಾಗ ಪ್ರಾಣಿಗಳ ಬೇಟೆ ಇಲ್ಲವೆ ಮೀನು ಹಿಡಿಯುವ ಕಾರ್ಯದ ಮೂಲಕ ಹೊಟ್ಟೆಯನ್ನು ತುಂಬಿಸಿಕೊಳ್ಳಲು ಮತ್ತು ಮೀನು ಹಿಡಿಯಲು ಬಲೆ ಹೆಣೆಯುವ ಕೌಶಲ್ಯ ಕಲಿತುಕೊಂಡ ಮತ್ತು ಆ ಸಂದರ್ಭ ದಲ್ಲಿ ಒಂದು ದಿನ ಮಾನವ ಒಂದು ಸರೋವರದಲ್ಲಿ ಬಲೆ ಬೀಸಿದ ಆಗ ನೂರಾರು ಮೀನುಗಳು ಬಲೆಗೆ ಬಿದ್ದವು ನೀರಿನಿಂದ ಬಲೆ ಹೊರತೆಗೆದಾಗ ಏನಾಗುತ್ತದೆ ? ಮೀನುಗಳು ವಿಲ ವಿಲ ಒದ್ದಾಡಿದವು ಮತ್ತು ಸಾಯುವ ಮುನ್ನ  ಹೀಗೆ ಹೇಳಿದವು. ನನ್ನ ಸಂತಿತಿಯನ್ನು ಬಲೆಯಿಂದ ಒದ್ದಾಡುವಂತೆ ಮಾಡಿದ ನಿನ್ನ ಸಂತತಿಯು ಮುಂದೊಂದು ದಿನ ಇದೆ ತೆರನಾದ "ಜಾಲ" ಅಂತರ್ಜಾಲ ದಿಂದ ವಿಲ ವಿಲ ಎಂದು ಒದ್ದಾಡಿ ಸಾಯಿಲಿ ಎಂದು ಶಾಪ ಹಾಕಿದವಂತೆ !!!! ಹಾಗಾಗಿ ಇಂದು ಅಂತರ್ಜಾಲ ಎಂಬ ಮಾಯಾಜಾಲದಲ್ಲಿ ಒದ್ದಾಡುತ್ತಿದ್ದಿವೆ ಎನ್ನುವ ಉಪನಿರ್ದೇಶಕರ ಮಾತಿಗೆ ಎಲ್ಲರೂ ನಗೆಗಡಲಲ್ಲಿ ತೇಲಿ ಹೋದರು. 

       ಅವರ ಮಾತಿನ ಶೈಲಿಯೇ ಅಂತದು, ಕಾರ್ಯಕ್ರಮ ಪ್ರಾರಂಭವಾಯಿತು ವೇದಿಕೆಯ ಮಧ್ಯ ಭಾಗದಲ್ಲಿ ಆಸಿನರಾಗಿರವ ಮುಖ್ಯ ಅತಿಥಿಗಳಾದ ಉಪನಿರ್ದೇಶಕರ ಮಾತಿನ ಸರದಿ ಕಾಕತಾಳಿಯವೊ ಏನೋ ಕಾರ್ಯ ಕ್ರಮ ನಿರೂಪಕರು ಅವರು ಕುಳಿತಲ್ಲಿಯೇ ಮಾತನಾಡಲು ಮೈಕ್ ನೀಡಿದರು ಆಗ ಉಪನಿರ್ದೇಶಕರು ನಿಮ್ಮ ಕಷ್ಟ ನಾನು ಅರ್ಥೈಸಿಕೊಂಡಿದ್ದೇನೆ ! ಏನು ಹೇಳಿ ! ನಾನು ಡಯಾಸ್ ಹಿಂದೆ ನಿಂತು ಮಾತನಾಡಿದರೆ ನಿಮಗೆ ಕಾಣುವದಿಲ್ಲವಲ್ಲ ಎನ್ನಬೇಕೆ ?ಸನ್ನಿವೇಶ ಗಳನ್ನು ಹೇಗೆ ಹಾಸ್ಯ ಮಯವಾಗಿ ಮಾಡಬಹುದು ಎನ್ನುವುದನ್ನ ತೋರಿಸಿಕೊಟ್ಟರು. ಮಾತು ಮುಂದುವರಿದಂತೆ ಮತ್ತೆ ಹಾಸ್ಯ ಮಯ ಸನ್ನಿವೇಶ ಎಂಟತ್ತು ಹತ್ತು ದಿನ  ನೀವು ಸುಖವಾಗಿದ್ದೀರಿ ಏಕೆ ಹೇಳಿ ? ಮತ್ತೆ ಮತ್ತೆ ಸಂತೆ ಚೀಲ ನಿಮ್ಮನ್ನು ಸುತ್ತುವದಿಲ್ಲ ,ಗಿರಣಿ ಕಡೆ ಓಡಬೇಕಿಲ್ಲ ಎಂದಾಗ ಮತ್ತೆ ನಗುವಿನ ಹಬ್ಬ... ಇದಕ್ಕೆ ಉಪನ್ಯಾಸಕಿಯರು ಹೊರತಲ್ಲ. ಎನ್ನುವ ಮಾತಿಗೆ ಅವರೆಲ್ಲ. ತಮ್ಮ ಪೂರ್ವಾಶ್ರಮ ನೆನಸಿಕೊಂಡು ನಕ್ಕಿದ್ದೆ ನಕ್ಕಿದ್ದು.ಇದರ ಜೊತೆಗ ಉಪನ್ಯಾಸಕರ ಕಾಳಜಿಯ ಮಾತು ಪ್ರಾರಂಭಿಸಿದರು ನೀವು ನಿವೃತ್ತಿ ಯಾಗುವಾಗ ನಿಮ್ಮ ಧರ್ಮ ಪತ್ನಿಯದೆ ಕೊಡಿ. ಕೆಲವು ದಿನಗಳ ಹಿಂದೆ ಒಬ್ಬರು ತಮ್ಮ ನಂತರದ ಪತ್ನಿಯದು ನೀಡಿದ್ದರು ಆಗ ಮೊದಲನೆಯ ಪತ್ನಿ ವಕಿಲರೊಂದಿಗೆ ಹಾಜರ್, ಹಾಗಾಗಿ ನಾನು ನಿಮ್ಮ ಮನೆಗೆ ಬಂದು ಖಚಿತ ಪಡಿಸಿಕೊಂಡು ಸಹಿ ಮಾಡುತ್ತೇನೆ ಎಂದಾಗ ಮತ್ತೆ ನಗೆಯ ಅಲೆ, ಇದರ ಜೊತೆಗೆ ಅವಸರದ ಅದ್ವಾನಗಳನ್ನು ತಿಳಿಸುತ್ತಾ ಬೇಗ ಹೊರಡಿ, ಲೇಟಾದರೆ ಪ್ರಾಚಾರ್ಯ ರಿಗೆ ಇಲ್ಲವೆ ಹಿರಿಯ  ಉಪನ್ಯಾಸಕರಿಗೆ ತಿಳಸಿ ಒತ್ತಡದ ಸನ್ನಿವೇಶವನ್ನು ನಿಭಾಯಿಸುವುದನ್ನು ವಿವರಿಸಿದರು   ಹಾಗೆಯೆ ಪಾಠ ಮಾಡಿದ ಉಪನ್ಯಾಸಕರನ್ನು ನೆನೆಯುವುದನ್ನು ಮರೆಯಲಿಲ್ಲಿ ಮತ್ತು ಅವರಲ್ಲಿಗೆ ಹೋಗಿ ಹರುದುಂಬಿಸಿದ್ದ ಸನ್ನಿವೇಶವನ್ನು ನೆನಪಿಸಿಕೊಂಡರು. ಬಹುತೇಕ ನಾನು ಇಲ್ಲಿಯವರೆಗೆ ಕೇಳಿದ ಅಧಿಕಾರಿಗಳ ಮಾತುಗಳಲ್ಲಿ ಹಾಸ್ಯದ ಮೂಲಕ ತನಗಿಂತ ಕಿರಿಯ ನೌಕರರನ್ನು ನಗೆಗಡಲಿನಲ್ಲಿ ತೇಲಿಸಿದ ಮೊದಲ ಮುಖ್ಯ ಅತಿಥಿ ಎಂದರೆ ತಪ್ಪೇನಿಲ್ಲ. ಉಪನ್ಯಾಸಕರು ಎಂದರೆ ಮಾತುಗಾರರು ಅವರಿಗೆ ಮಾತನಾಡಿ ಅಭ್ಯಾಸ , ಕೇಳುವುದರಲ್ಲಿ ಅಲ್ಲ ಅವರನ್ನು ಸೆರೆ ಹಿಡಿಯುವ ಕೆಲಸ ಸುಲಬದ್ದಲ್ಲ .ಇಂದು ಉಪನಿರ್ದೇಶಕರಾದ ಶ್ರೀ ಎಮ್ ಎಮ್ ಕಾಂಬಳೆ ಸರ್ ನಿವೃತ್ತಿ ಅಂಚಿನಲ್ಲಿರುವ ಪ್ರಾಚಾರ್ಯ/ಉಪನ್ಯಾಸಕರಿಗೆ ಜೀವನೋತ್ಸಾಹ ತುಂಬಿದ್ದಂತು ಸತ್ಯ .ಮಾನ್ಯ ಸಾಹೇಬರು ತಾನು ಮರಾಠಿ ಮತ್ತು  ಇಂಗ್ಲಿಷ್ನಲ್ಲಿ ಹೆಚ್ಚಿನ ಅಭ್ಯಾಸ  ಮಾಡಿದ್ದು ಕನ್ನಡ ಅಷ್ಟು ಚನ್ನಾಗಿ ಮಾತನಾಡಲಿಕ್ಕಿಲ್ಲ ಎನ್ನುತ್ತ ಅಚ್ಚಕನ್ನಡದಲ್ಲಿ ನಗೆಬುಗ್ಗಿ ಎಬ್ಬಿಸಿ ಎಲ್ಲ ಮೌಲ್ಯ ಮಾಪಕರ ಕಾರ್ಯೋತ್ಸಾಹ ಹೆಚ್ಚಿಸಿದರು ಅವರಿಗೆ ಈ ಮೂಲಕ ಇತಿಹಾಸ ಮೌಲ್ಯಮಾಪಕರ ಪರವಾಗಿ ಹೃದಯಪೂರ್ವಕ ಧನ್ಯವಾದಗಳು.

ನನ್ನ ನೆಲದಲ್ಲಿ ನಾ ನೆಟ್ಟ ಮಾವು

ನನ್ನ ಮಗ ಹೊಲಕ್ಕೆ ಹೋಗಿ ನೀರು ಹಾಕಿ 

ಪೊಟೋ ತೆಗೆದು ಕಳಿಸಿದ ಚಿತ್ರ 

ನನ್ನ ನೆಲದಲ್ಲಿ 

ನಾ ನೆಟ್ಟ ಮಾವು

ನಗು ಮುಖದ ಸಿಂಗಾರಿ

ಏನಿವಳ ವೈಯಾರ

ಕಾಗೆ ಗುಬ್ಬಚ್ಚಿಗೂ ಕಚಗುಳಿ 

ಇಟ್ಟವಳಿವಳು 

ಕೋಗಿಲೆಗೆ ದ್ವನಿ ನೀಡಿದವಳು

ನವಿಲಿಗೆ ನರ್ತನ ಕಲಿಸಿದವಳಿವಳು

ಪ್ರೀತಿಯಿಂದ ಬೆಳಸಿ ಸೋತು ತಿರುಗುವೆ 

ಹಗಲಿರುಳು

ಹಸಿವು ಹಿಂಗಲಲ್ಲ 

ಹೊಸ ಹುರುಪು 

ಹುರಿಗೊಂಡು ಹೊಸ ಚೈತನ್ಯ ತರಲು

ಏನಿವಳ ಅಂದ ಕಣ್ಮನಕೆ ಚಂದ

ಉರಿವ ಸೂರ್ಯನೂ ಸೋತು 

ಸ್ನೇಹಕ್ಕೆ ಹಾತೊರೆದ.

ನಾನೆ ಬೆಳೆಸಿದ ಬೆಡಗಿ 

ನನಗಿರಲಿ ಎಂದರೇನು ಚಂದ .

ನಗು ನಗುತ ರವಿಯ 

ಗೆಳೆತನ ಮಾಡಿದಳಿವಳು !

ನಿನ್ನ ರಕ್ಷಣೆಗೆ 

ನನ್ನ ಜಾಲಿ ಇಪ್ಪಡಿಯ ಕೋಟೆ .

ಭೇಧಿಸ ಬಯಸಿದರೆ ಬಾಣ. 

ಮುಂದೆ ಹೋಗಿ ಹಿಂದೆ ಸರಿದರೆ 

ರಕ್ತದ ತರ್ಪಣ 

ಸ್ನಿಗ್ದ ಸೌಂದರ್ಯದ ಕಣಿ

ನಗನಾಣ್ಯ ಗಳು ಸಾಟಿ ಏನು ನಿನಗೆ

ಕುರಿಗಾಯಿ ಕರಿಯ, ದನಗಾಯಿ ಭೀಮ

ದುರುಗುಟ್ಟಿ ನೋಡುವರು ನಿನ್ನ

ಮರವಾಗುವ ಮುನ್ನ 

ಕುರಿಗಾರ ಹಾಕಿದರ ಕಣ್ಣು 

ನನ್ನ ಬಾಯಿಗೆ ಬೀಳುವುದೇನೋ ಮಣ್ಣು !!!!

ಹಾರುಗೇರಿಯ ಅನ್ನದಾನಿ.

      ಬೇಡಿಕೆ ಈಡಿರಿಕೆಗಾಗಿ ಪದವಿ ಪೂರ್ವ ಉಪನ್ಯಾಸಕರು ಹೋರಾಟ ಮಾಡುತ್ತಿದ್ದ ಕಾಲಘಟ್ಟ ವದು, ಹೋರಾಟದ ಮುಂಚೂಣಿಯಲ್ಲಿದ್ದ ಶಾಮಪ್ರಸಾದ ಸರ್, ಶಾಣವಾಡ ಸರ್ ಪ.ಪೂರ್ವ.ಕಾಲೇಜಿನ ಉಪನ್ಯಾಸಕರ ವೇತನ ತಾರತಮ್ಯ ದ ಕುರಿತು ಹರಿತವಾದ ಮಾತುಗಳನ್ನು ರೊಷದಿಂದ ಹೊರಹಾಕುತ್ತಿದ್ದರು  ಅದನ್ನೆಲ್ಲ ನಾವು ತದೇಕ ಚಿತ್ತದಿಂದ ಆಲಿಸುತ್ತಿದ್ದೆವು  ಅದೇ ಅವಧಿಯಲ್ಲಿ ಇನ್ನೊಬ್ಬ ವ್ಯಕ್ತಿ ಅತ್ಯಂತ ಹರಿತವಾದ ಮಾತುಗಳಿಂದ ಉಪನ್ಯಾಸಕರಿಗಾದ ತಾರತಮ್ಯವನ್ನು  ಅತ್ಯಂತ ತೀಕ್ಷ್ಣ ವಾಗಿ ಉಪನ್ಯಾಸಕರಿಗೆ ತಲುಪುವಂತೆ ಮಾಡುತ್ತಿದ್ದರು ಅವರು ಬೇರೆ ಯಾರು ಅಲ್ಲ  ಅವರೆ ಹಾರುಗೇರಿ ಕಾಲೇಜಿನ ಇತಿಹಾಸ ಉಪನ್ಯಾಸಕ ಮಾಳಿ ಸರ್ , ಅಂದು ನಾನು ತಿಳಿದುಕೊಂಡ ಮಾಳಿ ಸರ್ ಗೂ ಇಂದು ನಾನು ಕಾಣುತ್ತಿರುವ ಮಾಳಿ ಸರ್ ಗೂ ಬಹು ವ್ಯತ್ಯಾಸವಿದೆ. ಇಂದು ಅವರ ಮಾಗಿದ, ತೂಕದ ಮಾತುಗಳು, ಒತ್ತಡದ ನಡುವೆಯೂ ಎಲ್ಲರ ಪ್ರೀತಿಯ ಗೆದ್ದಿರುವ ಅವರ ಪ್ರಭಾವಲಯ ಅವರನ್ನು ಸಂತನನ್ನಾಗಿ ಪರಿವರ್ತಿಸಿದೆ.ಇಂದು ಅವರು ಉಪನ್ಯಾಸಕರೆಲ್ಲರಿಗೂ ಊಟದ ವ್ಯವಸ್ಥೆ ಮಾಡಿದರು ಎನ್ನುವ ಹೊಗಳಿಕೆ ಕಾರಣಕ್ಕಲ್ಲ ಬದಲಾಗಿ ಇಂತಹ ಮನಸ್ಥಿತಿಯ ಜನರ ಸಂತತಿ ಇನ್ನೂ ಇದೆಯಲ್ಲಾ ಎನ್ನುವ ಕಾರಣಕ್ಕೆ ಅವರ ಸಂತತಿ ಸಾವಿರವಾಗಲಿ ಎನ್ನುವ ಕಾರಣಕ್ಕಾಗಿ ಹೇಳುತ್ತಿದ್ದೇನೆ. ಇದು ಇಂದು ಮಾತ್ರ ನೆಡೆದದ್ದಲ್ಲ ಎರಡು ಮೂರು ವರ್ಷಗಳಿಂದ ಸತತವಾಗಿ ನಡೆಯುತ್ತಿದೆ.ಶಿಬಿರದ ಒಳಗಡೆ ಅವರು ಪ್ರತಿದಿನ ಏಳೆಂಟು ಜನರಿಗೆ ಸೇವಿಸುವ ಆಹಾರ ,ಬುತ್ತಿ ಕಟ್ಟಿಕೊಂಡು ಬರುತ್ತಿದ್ದಾರೆ, ಅವರ ಈ ಉದಾರತನಕ್ಕೆ ಇನ್ನೇನು ಹೇಳಬೇಕು ? ಅವರಿಗೆ ಚುನಾವಣೆಗೆ ನಿಲ್ಲಬೇಕಾದ ಯಾವುದೆ ಪ್ರಮೆಯ ಇಲ್ಲ, ಮೂರು ನೂರಕ್ಕಿಂತ ಹೆಚ್ಚು ಮೌಲ್ಯ ಮಾಪಕರಿಗೆ ಊಟದ ವ್ಯವಸ್ಥೆಯನ್ನು ಮಾಡುವುದು ಸಣ್ಣ ವೀಷಯವೇನಲ್ಲ . ಮೂವತ್ತು ,ಮೂವತ್ತೈದು ಸಾವಿರ ಹಣ ಖರ್ಚಾಗಿರಬಹುದೇನೊ, ಒಂದು ಪೈಸೆಗೂ ಲೆಕ್ಕಾಚಾರ  ಮಾಡುವ ಈ ಕಾಲಘಟ್ಟ ದಲ್ಲಿ ತೋರಿದ ಉದಾರ ಮನಸ್ಸಿಗೆ ಭೇಷ್ ಎನ್ನಲೆಬೇಕು ! ಏಕೆಂದರೆ ಅದು ಶ್ರಮದ ದುಡ್ಡು, ಚಂದಾವಸೂಲಿಯಂತೆ ಬಂದ ಹಣವಲ್ಲ !

ಸಂತೋಷ ಕಾಣುವ ದಾರಿಗಳು ನೂರಾರು ಅದರಲ್ಲಿ ಮಾಳಿಯವರು ಕಂಡುಕೊಂಡ ದಾರಿ ಸಮಾಜಕ್ಕೊಂದು ಮಾರ್ಗದರ್ಶಿ.ಇದ್ದದ್ದು ಇದ್ದಂತೆ ಹೇಳವದರಲ್ಲಿ ಅವರು ಎತ್ತಿದಕೈ ಹೋದ ವರ್ಷ ವೇದಿಕೆ ಮೇಲೆಯೆ ಮುಂದಿನ ವರ್ಷ ಈ ವರ್ಷದ ಎಲ್ಲರಿಗೂ ಡಿ ಸಿ ಬರುತ್ತದೆ ಎನ್ನುವದನ್ನು ಮರೆಯರಿ  ಎಂದು ಹೇಳಿದ್ದು ನಾನು ಕೇಳಿದ್ದೆ, ಅದು ಈಗ ಆಗಿದೆ ಅದು ಕಾಕತಾಳಿಯವೋ ಏನೋ ನನಗೆ ಗೊತ್ತಿಲ್ಲ.ಅತ್ಯಂತ ದೀರ್ಘ ಸೇವಾನುಭವ ಹೊಂದಿರುವ ಅವರಿಗೆ ಯಾವ ಹುದ್ದೆ ಬಂದರೂ ಬೇಸರವಿಲ್ಲ ಆದರೆ ನ್ಯಾಯಯುತವಾಗಿ ಇರಬೇಕು ಎನ್ನುವುದು ಅವರ ಕಳಕಳಿ, ಮೊನ್ನೆ ದಿನ ಅಧಿಕಾರಿಗಳು ಬಂದಾಗ ಮೌಲ್ಯ ಮಾಪನದ ಡಿ ಸಿ ನೇಮಕದ ಕುರಿತು  ಅವರಿಂದ ಬಂದ ಮಾತು,ಅವರ ಬೇಸರ,ಹಾಗೆಯೇ ಮಾತನಾಡುವಾಗ ಅವರ ಹತ್ತಿರವೇ ನಿಂತ ನನಗೆ ಅವರ ಬಗ್ಗೆ ಇದ್ದ ಅಭಿಮಾನ ನೂರ್ಮಡಿಯಾಯಿತು.ಬಾಗಲಕೋಟೆ ಇತಿಹಾಸ ಉಪನ್ಯಾಸಕರ ಸಂಘ ನೀಡಿದ ಪ್ರೀತಿಯ  ಸನ್ಮಾನ ಸ್ವೀಕರಿಸಿದ ಮಾಳಿ ಕುಟುಂಬಕ್ಕೆ ಗುರು ಬಳಗ ಚಿರ ಋಣಿ ದೇವರು ಅವರ ಕುಟುಂಬಕ್ಕೆ ಆರೋಗ್ಯ ಸಂಪತ್ತು ದಯಪಾಲಿಸಲಿ.