* ದಾರಿ ಕಾಣದು *

ದಾರಿ ತೋರಿದರು ಮನುಜಗೆ ಪ್ರಾಣಿ 

ಪಕ್ಷಿಗಳಾದರೇನು ಸರಿ ಸಹ ಜೀವನ 

ಮರೆತು ಪಾಲಿಸದೆ ಮಾಡಿದರು ಹರಣ

ಜೀವಸಂಕುಲ ದಾರಿ ತಪ್ಪಿತು ಈ ದಿನ//

ಕಾಡಿನ ಕಾವಲು ಮುರಿದ ಕದಿಮರು

ನಾಗರಿಕತೆ ಬೆಳವಣಿಗೆಯ ಹಾಡಿದರು

ಕವಲು ದಾರಿಯಲ್ಲಿ ಅರಿಯದವರು,

ಕಾಲ ಬಂದಾಗ ಉತ್ತರಿಸವರಾರು//

ಕತೆ ಹೇಳಲು ನೈತಿಕತೆಯ ಬಳಸಿ

ಜೊತೆ ನಡೆದು ಹೇಳಿದ್ದು ಬರಿ ಹುಸಿ 

ಪ್ರಕೃತಿಯ ಹಿತ ಬಯಸಿದಂತೆ ನಟಿಸಿ

ವಿಕೃತಿ ಮೆರೆದರು ಸಮಯ ಸಾಧಿಸಿ//

ಬನದ ಮುಖವೆಲ್ಲ ಕೆಂಪಾದವೊ  

ನಾಡಿನ ಬದುಕೆಲ್ಲ ಕೊಂಪೆಯಾದವು

ದುರಾಶೆಯ ಜೀವನ ನಿರಾಶೆಯಾದರು

ಬರಲಿಲ್ಲ ಬುದ್ಧಿ ಬವಣೆ ಬಂದರು. //

   🖋️.ಬಸನಗೌಡ ಗೌಡರ