* ಮಾಗಿದ ಜೀವ *

ಮುಖದ ಮೇಲಿನ ನೂರು ಗೆರೆಗಳು

ಹದ ಮಾಡಿದ ಹೊಲದ ಸಾಲುಗಳು 

ಪ್ರಶ್ನೆ ಎಂಬ ಬೀಜ ಬಿತ್ತಬೇಕು ಅಲ್ಲಿ  

ಜ್ಞಾನವೆಂಬ ಅನುಭವದ ಫಲಗಳು //

ಮಾಗಿದ ದೇಹ ಮಹಾದೇವನ ವರ

ಮಾನವ ಹಾಗೆ ಬರುವದಿಲ್ಲ ಬರಪುರ

ಹಗಲು ರಾತ್ರಿ ಹದವಾಗಿ ದುಡಿದ ಫಲ

ಇಲ್ಲಾ ಕಾಯಿದ್ದಾಗ ಉದರುತ್ತೆ ಎಲ್ಲಾ//

ಹಸುಳೆಯಿಂದ ಹಿಡಿದು ಹಲವು ಪಾತ್ರ 

ನಟನೆಯು ನಿಲ್ಲದೆ  ತಲುಪಿದರೆ ಮಾತ್ರ

ನೀನು ಪಡೆಯಬಹುದು ಪ್ರಶಂಸೆ ಪತ್ರ

ನಟನೆ ತಪ್ಪಿದೆ ಬರುವುದು ಬಿಕ್ಷಾಪಾತ್ರ//

ಸಾವಿರ ಸಾವಿರ ಸಾಗರಲೆಗಳ ಮೀರಿ 

ಸವೆಸಿದೆ ಬದುಕಿನ ಸಂಘರ್ಷದ ದಾರಿ 

ಸಂದೇಶ ಒಂದೆ ನಮಗೆ ನೀಡಿದ ಗುರಿ

ಸಾಗು ನೀನು ಕೊಂದು ಅರಿಷಡ್ವೈರಿ//

          ಬಸನಗೌಡ ಗೌಡರ