* ಜಿಟಿ ಜಿಟಿ ಮಳೆ *

ಮುಗಿಲಿಗೆ ಮತ್ತಿಟ್ಟು ಓಡುವ ಮೋಡ

ಇಂದು ಅವಿತಿಟ್ಟು ಜಿಗಿಯುವ ಚಿರತೆ

ಅಂದು ಕಾದು ನೋಡಿದೆ ಶಬರಿಯಂತೆ

ಮಳೆ ಓಡಿತು ಸೀತೆ ಕದ್ದ ರಾಣನಂತೆ//

ಹಗಲಿರುಳು ಹೊಗೆಯಂತೆ ಹನಿಮಳೆ

ಹೋಗಲು ಬಿಡಲೊಲ್ಲದಾವರ್ತಮಳೆ

ಹೈರಾಣಾಗುತ್ತಿದೆ  ಬಿತ್ತುವವನ ತಲೆ

ಹದಬಯಸಿದವನ ಎದೆಗೇರಿದೆ ಕಳೆ //

ಮುಂಜಾನೆ ಮುಖ ಮುಚ್ಚಿ ಕಚಗುಳಿ 

ಮಾಳಿಗೆಯ ಸಂದಲ್ಲಿ ಕಣ್ಣೀರು ಹನಿ 

ಓಣಿಗೂ ಬೇಕಾಗಿದೆ ಸಾಗರದ ಡೋಣಿ

ಮುಗ್ಧ ಮಕ್ಕಳ ಹರುಷ ಏರಿದೆ ಏಣಿ//

ಕಟ್ಟಿದಾ ಕನಸು ಕಮರುವ ಕೆಟ್ಟಕಾಲ

ಹಟ್ಟಿಯ ತುಂಬೆಲ್ಲ ಜಿನುಗುವ ಜಲ

ಕರಗಿದೆ ಮಧುರ ಕನಸಿನ ಜೀವಫಲ

ಕರಿಮೋಡ ಕರಗಿ ಬರಲಿ ರವಿಬಿಸಿಲು//

  🖋️.ಬಸನಗೌಡ ಗೌಡರ