* ಪರಿಭ್ರಮಣ *

ನಾನು ನನ್ನವರೆನ್ನುವದು ಬರಿ ಭ್ರಮೆ 

ಹರಿದು ತಿನ್ನಲು ಹಾಕಿದ ಪರಿಭ್ರಮಣ
ತರಿದ ಮರಕೆ ಸುತ್ತುವುದೆ ಹಕ್ಕಿ ಗಣ 

ಹರಗುರು ಚರಣಕೆ ಎರಗಬೇಕು ಶರಣ//

ನಾನೇಕೆ ನನ್ನಾಳಿದ ನಾಡ ದೊರೆ 

ನೂರು ನಾಡನು ಗೆದ್ದು ಮೆರೆದರು 
ಕಡೆಗೊಮ್ಮೆ ಮೂರಡಿಯಲ್ಲಿ ಮುದಡಿ
ಮಣ್ಣಲ್ಲಿ ಮಣ್ಣಾಗಿ ಕೊನೆಗಾದ ಹುಡಿ//

ಬಿಡಲೊಲ್ಲದು ನನದೆನ್ನುವ ಭ್ರಮೆ

ಬಿಡದೆ ಕಾಡುವುದು ನೆರಳಂತೆ ಹೆಮ್ಮೆ 
ಬಿದ್ದರೂ ಸದ್ದಾಗದಂತೆ ಹಿಡಿವ ಬಯಕೆ 
ಗೆದ್ದವರಂತೆ ನಟಿಸುವ ಬಂಡ ತವಕ //

ಮನದ ಮೈಲಿಗೆ ತೊಳೆಯದ ನರ 

ಮೈಲುದ್ದ ನಡೆದು ಪಡೆಬಹುದೆ ವರ 
ಬೆಳಗ್ಗೆಯೆ ಸಂತಸ ಬಯಸಿದರೆ ಬರ  
ಆಸೆತೊರೆ ಸಂಜೆಯ ಬದುಕು ಸುಂದರ//     

          ಬಸನಗೌಡ ಗೌಡರ