* ಸಿದ್ದಗಂಗೆಯ ಸಿದ್ದಿ ಪುರುಷ *

ನಡೆದಾಡಿದ ದೇವರೆ ನಮಿಪೆ ಗುರುವೆ 
ನಿನ್ನ ಚರಣಕೆ  ಹೂವು ಫಲವ ತರುವೆ/ಪ/

ಸಿದ್ದಗಂಗೆಯ ಸಿದ್ದಿ ಪುರುಷ ಎದ್ದು ಬಾ
ಹುದ್ದೆಗಾಗಿಯೆ ಗುದ್ದಾಡಿ ನಿದ್ದೆಗೆ ಜಾರಿ
ಒದ್ದಾಡುವ ಜನರ ಉದ್ಧಾರ ಮಾಡಲು

ಶುದ್ಧ ಮನಸ್ಸಿನ ಪ್ರಭುವೆ ನೀನೆದ್ದು ಬಾ//

ಅನ್ನ ಅಕ್ಷರ ಧರ್ಮದ ಮರ್ಮಸಾರಿ

ಕಣ್ಣು ತೆರೆಸಿದೆ ಭುವಿಯ ಮಕ್ಕಳಿಗೆ/

ಬದುಕು ಕಲಿಸಲು ಕಟ್ಟಿದೆ ಜೋಳಿಗೆ 

ಬಾಗಿ ನೆಡೆದಾಗ ಬಾಳಾತು ಹೋಳಿಗೆ//

ಜಾತಿ ವಿಷವರ್ತುಲ ಮೂಲ ಹರಿದು  

ಪಕ್ಷ ಪಂಗಡದ ಪರಿಭಾಷೆಯ ಮೀರಿ    
ಪಳಗಿಸಿ ಪಾಠ ಕಲಿಸಿ ಶರಣ ತಯಾರಿ
ಪವಡಿಸಿದೆ ಜಗಜನರ ಹೃದಯವೇರಿ//

ಕಾವಿಯ ಕರ್ಮದ ಮರ್ಮ ಅರುಹಿ
ಕಡಲಂತೆ ಒಡಲೊಳಗೇ ಸಲುಹಿದೆ
ಹಡೆದವರ ಪಡುವ ಸಂಕಷ್ಟ ಕಡಿದೆ
ಹರನಂತೆ ಪರರ ಬದುಕಿಗೆ ಬಾಗಿದೆ//

               ಬಸನಗೌಡ ಗೌಡರ