ಸಾಲು ಮರದ ತಿಮ್ಮಕ್ಕ
ನೂರು ಬೋಧಕರನು ಮೀರಿ ಬೆಳೆದ
ನಾರಿ ಇವಳು ದೇವರಿಗಿಂತ ಮಿಗಿಲು ನಮಗೆ
ಮರವ ಬೆಳೆದು ಜಗದೊಳಾದಳಜರಾಮರ॥
ಅಕ್ಷರವನರಿತು ಬಿಕ್ಷುಕರಂತೆ ಬೇಡುವ
ಸಾಕ್ಷರರು ಬಲ್ಲೆವೇನಿವಳ ಕಾರ್ಯದುತ್ತರ
ವೃಕ್ಷ ಮಾತೆಯ ದಕ್ಷ ನಡೆಯು ಸಾಗಿದೆ ಅನುದಿನ॥
ಸಾಲು ಮರದ ತಿಮ್ಮಕ್ಕ ಇವಳೇ ಜಗದಕ್ಕರ
ಸಾವಿರ ನೋವು ಹಾವಾಗಿ ಹರಿದರೂ
ಹಾಲೆರೆದು ಬೆಳೆದು ಬೀಗಿದಳಾಲದಮರ॥
ಒಂದೆ, ಎರಡೆ ನೆಟ್ಟಳೆಂಟು ಸಾವಿರ
ಬಂದು ನಿಂತವು ಮಕ್ಕಳೆಲ್ಲ ಹರಹರ
ದುಡಿದು ಸಾಗುವ ಶ್ರಮಿಕರಿಗೆಲ್ಲ ಬೃಂದಾವನ
ಮಾತೆಯ ಮಡಿಲು ಮಕ್ಕಳುಸಿರು
ಜಗದ ತುಂಬಾ ಹಸಿರು ಸಾಲು ಸಾಲು
ಕೊಸರಿ ಹೋಗುವ ನಿನ್ನುಸಿರು, ಮರೆಯಲಾಗದ ಹಸಿರು, ಮರೆಯಲಾಗದ ಹಸಿರು.॥
No comments:
Post a Comment