"ರಾಮನಾಮ ಭಾವನಾಮ"

ಹಿಂದು ಜಲವ  ಮಿಂದ ದೊರೆಯ

ಗಂಗೆ ಯಮುನೆ ಹಿಮದ ಝರಿಯ 

ಗಿರಿಯ ತೊರೆಯ ನಾದ ಲೀಲೆ

ಗಗನ ದಾಟಿ ಹೃದಯ ಮೀಟಿ 

ಬೆಳಗಲೆಮ್ಮ ಭಾವ ಕೋಟಿ ಕೋಟಿ //

ಸೀತೆಯೆಂಬ ಭರತ ಮಾತೆ 

ಪಿತೃ ಪಾಲನೆ ಪತಿಯ ಪಡೆದ ಸುತೆ 

ವನವಾಸ ನಡೆದಳು ಪತಿಯ ಜೊತೆ 

ಅಯೋಧ್ಯೆಗವನೆ ಕೈಕೆಯ ಸುತ

ಪಾದರಾಕ್ಷೆ ಹಿಡಿದ ತನುಜ ಭರತ  //

ಬೆಳಗಲಿ ಭಾವ ಧರ್ಮದ ಜ್ಯೋತಿ 

ಅಳಿಯಲಿ ಅರಿ ಅಧರ್ಮದ ಭೀತಿ

ಅರಳಲಿ ಪಿತೃಪರಿಪಾಲನಾ ನೀತಿ 

ಆದರ್ಶ ಪುರುಷನಿಗೆ ಎತ್ತು ಆರತಿ

ಜಗವೆಲ್ಲ ಬಾಗಿದೆ ನೀನೆಮ್ಮ ಭಾರತಿ//

ಐಕ್ಯ ಸರಸ್ವತಿ ಪುಣ್ಯಧಾಮ

ಜಪಿಸು ಅನುದಿನ ರಾಮನಾಮ

ಜನರ ಹೃದಯ ಬೆಸೆದ ಮಂದಿರ

ಅರಳಿತಲ್ಲಿ ಅಯೋಧ್ಯೆನೆಲದ ಹಂದರ

ಇರುಳು ಕಸಿದ, ಹಿಂದು ಜನರ ಚಂದಿರ//

ಭವ್ಯ ಭಾರತ ಪುತ್ರರು,ಭವದಿ 

ಬೆರೆತು ವಾಸಿಸುವ ಜನರೆ ಮಿತ್ರರು, 

ಕಾಶಿಯಿಂದ ರಾಮೇಶ್ವರ, ಪುರಿಯಿಂದ

ದ್ವಾರಿಕೆ. ಕಣ ಕಣಗಳಲ್ಲಿ ಅರಳಲಿ 

ಹರ ರಾಮ ನಾಮ ದ್ವನಿಗಳು.//

         ಬಸನಗೌಡ ಗೌಡರ