ಹೊಸತೇನಿದೆ ಎಲ್ಲವೂ ಹಳತೆ
ಹೊಸೆದು ಹುರಿಗೊಳಿಸದ ಬಾಳು ಅದು ಹಾಳು ವಾರವಿರುವಾಗಲೆ ತಯಾರಿ
ಬಾರಗಳಲಿ ಬಾರಾ ಆಗುವುದು ಕಾಯುವ ಉದಾರಿಗಳು ಹೆಂಡತಿ ಹತ್ತು ನಿಮಿಷ ತಡ ಮಾಡಿದರೆ ಹಾರಾಡುವ ನಾವು ಈಗ ಸಮಾದಾನಿ
ಹೊಸ ವರುಷ ಸ್ವಾಗತಿಸಲು ನಿಂತ ಸ್ವಾಗತಕಾರರು,
ಹಳೆ ವರುಷದ ಬೀರು, ಅದೇ ಹಳೆ ಬಾರು, ಹುರಿಗಡಲೆಯೂ ಹಳೆಯದೆ
ತವಕ ಮಾತ್ರ ಹೊಸದು
ಅಂಕಿಗಳ ಕಳೆದು ಸಂಖ್ಯೆ ಸೇರಿಸುವ ಸಂಭ್ರಮ ಮುಂಜಾನೆ ಬರುವ ರವಿ ಹೊಸಬನೇನು ?
ಕಸ ತಗಿಯದೆ ಕಸಿಯಲು ನಿಂತರೆ ?
ಹೊಸದೇನಿದೆ ? ಕಲ್ಮಷಗಳು ಕರಗದೆ
ನಲ್ಮೆಯು ಅರಳದೆ ನಡು ರಾತ್ರಿ ಅರಳಿದ ಹೊಸ ಭಾವ ಅದು ಸಾಬೂನು ಬೊಬ್ಬೆ , ಗಾಳಿಯೇ ಬೇಡ.
ಗಲ್ಲಿ ಗಳಲ್ಲಿ ಎಲ್ಲವೂ ಎಲ್ಲರಿಗೂ ವೈಭವ ! ಇವನೆಲ್ಲಿಯವನು ಹಳತು ಹೇಳಲು ನಿಂತ ಕೊಳೆತ ಮನುಷ್ಯ ಎನ್ನಬಹುದೇನೊ ?
ನೆವವೊಂದೆ ಸಾಕಿತ್ತು ಕೆ ಕೆ ಹಾಕಿ ಕುಣಿಯಲ... ಕುಡಿಯಬೇಕೆಂದೇನು ಇಲ್ಲ ಕುಡಿಯದೆ ಓಲಾಡಬಹುದು ಕುಹಕ ಮಾಡುವವರ ಕಂಡು
ಕಳ್ಳತನ ಮಾಡಿಯೂ ಒಳ್ಳೆಯ
ಭಾಷಣ ಮಾಡುವವರ ಕಂಡು
ಓಲಾಡಬಹುದು ಸುಳ್ಳಿನ ಸಾಮ್ರಾಜ್ಯ ಕಟ್ಟಿ
ಸತ್ಯವನ್ನು ಗುಲಾಮರನ್ನಾಗಿ ಮಾಡಿಕೊಂಡವರ ಕಂಡು ಓಲಾಡಬಹುದು ನಶೆ ಏರಿದ ನರ ಮಾನವ ಕಂಡು ಹೊಸವರ್ಷದ ಸ್ವಾಗತಕೆ ಪಟಾಕಿ ಹಾರಿಸಲು ಸಜ್ಜಾಗಿ ನಿಲ್ಲೋಣ ಎರಡು ನೂಕಿ ಮೂರು ಏರಿಸಲು.
ಏಕೆಂದರೆ ನಾವೆಲ್ಲಾ ಹತ್ತರಲ್ಲಿ ಹನ್ನೊಂದು.
ಹಳತು ಕೊಳೆತು ಗೊಬ್ಬರ
ಹೊಸ ಚಿಗುರು ಬರಲು ಬಂತು
ಹೊಸದೊಂದು ವರುಷ
ತಂತು ನಮಗೆಲ್ಲ ಹರುಷ
ರಾಗ ದ್ವೇಷ ಕಳೆದು
ರೋಗ ರುಜೀನ ತೊಳೆದು
ಯೋಗದಿಂದ ಬಂತು ಬೋಗ
ಯುಗ ಒಂದೆ ನಮಗೆ ಸುಯೋಗ
ಬಾಣ ಬಿರುಸು ಬಾರಾ ಕಳೆದ ಮೇಲೆ
ಬಾನಿಗೇನು ಗೊತ್ತು ಇದು ಹೊಸದು
ಭಾಸ್ಕರ್ ನಿಗಿಲ್ಲ ಆದಿ ಅಂತ್ಯ
ಬಂದು ಹೋಗುವದೊಂದೆ ಸತ್ಯ.
ಬೆಳಕು ಬಾರ ಕಡಿಮೆಯಾಗಿ
ಸೆಳೆತವೊಂದೆ ಸೀತ ಕೋಡಿ
ಬಿಸಿಲಿಗೂ ಬಂತು ಬೇಡಿಕೆ
ಹಾರಿಸಲ್ಲಿ ಪಟಾಕಿ ಜೋಡಿ.
ಬ್ರಿಟಿಷರಿಂದ ಪಡೆದ ವರ್ಷ
ಬಾಗಿ ಪಟಾಕಿ ಹಾರಿಸಿ ಕುಣಿದು
ತ್ಯಾಗದಿಂದ ಯುಗಾದಿ ಮರೆತ
ಜಗದ ನಿಯಮ ಪಾಲಕರು.
ಎರಡು ಕಳೆದು ಮೂರು ಏರಿಸಿ
ಹಲಗಿ ಬಾರಿಸುವ ಹುಡುಗರು
ಹತ್ತು ತಲೆಮಾರೆತ್ತ ಸಾಗಿದರೇನು
ತುತ್ತು ತುಂಬಿಸಲೋಡಬೇಕು ಮುಂದೆ
